184.

Wy Lodewyc, grave van Vlaendren , van Nevers ende van Rethel, doen te wetene allen lieden, dat als voor ons te dieversen stonden ghetooght es, hoe de aeldinghen van Jacob van Bets eenighe persone van Poperinghen verclagheden ende deeden arresteren te Berghen, om goet dat de abd van S'-Bertins van S'-Omaers, van den goede dat bleef naer den vorzeyden Jacop, ghegheven heeft, over dat de vorzeyde Jacob van forzeyden abds goede gliegheven hadele in tiden, dat de vorz. Jacop hem sehen bi siere auctoriteit maecte hoofman te Poperinghe, sonder consent van den vorz. abd, in communien van ons, van hem ende van allen goeden lieden. Op welcke, om dat de sake sprutende es ute muiterien, ende den orloghen touchiert, ende soe bi dier redenen ons toebehoort te berech- tene, wy hebben te diversen stonden ontboden, dat men de vorzeyde persone van Poperinghe te livereren zonden, van der sake van Berghen te handelne cesseren, ende partien beede, die van Poperinghe ende de aeldingen vors. voor ons te comene te sekeren ghenoemden dachvaerden, om partien recht te nement bi ons, wien de vors. saken toebehoren, te berechtene bi den redene vors., den welken dachvaerden de aeldinghen vors. te gheere uytcomen zien na ghesent hebben. Wy ghehoort claerlike de goede redenen van die van Poperinghe vors., de welke wy bi goeder informatien hebben vonden wesende waer in der manieren dat vors. es, ute dien dat de vors. aeldinghe te ghere dachvaert comen sien, voor ons noch teghen de vors. redenen yet gheseit hebben, ende ute anderen goeden redenen ons dertoe purrende, hebben gheseit ende segghen die van Poperinghe vors. ende alle andere quitte ende vry te bliven van al dien, dat de aeldinghen ende narcomers van den vors. Jacop hemlieden eenighen van henne of yemene ands in de ñamen van henné yet heeschen of hilen zonden willen, bi den redenen ende oecuisoene vors., ende hemlieden ute calacnghe ende hachtinghen derof te doene ende quite te laetene telcken daghen, ontbieden ende bevelen scerpelike allen baillius, amans, wethouders en anderen onsen subgieten van onsen graefscepe ende lande vors, up al dat sy verbeuren moghen teghen ons, dat sy onse vors. vonnesse ende segghen houden ende vulcommen souden in eenigher manieren

36

282

der jeghen te gaene of te doene. Bi der orconscepe van desen letteren beseghelt met onsen seghele. Gegheven te Male, den XXIIe dach van ouste, in 't jaer ons Heeren M dry hondert ende vyftich.

(Netices historiques sur la ville de Pepermghe, par J. J. Altmeyer.)