11.

In nomine Patris et Filii et Spiritus Sancti. Ego Johannes, divina favente clementia cenobii beati Bertini minister, tam futurorum quam presentium notitie mandare curavi, qualiter vel unde anniversarium meum commodius agendum disposui, si- quidem ut fratres nostri tanto pro me intercedant devotius, quanto lautiori cibo et potu in die anniversarii mei fuerunt procurati indulgentius. Communi totius capituli assensu statui, ut ipso die habeant ad mensam duo fercula aut optimorum piscium aut equevalentis edulii, et geminata vice vinum, quod in hoc burgo melius inveniri poterit, una cum braceolis et lotis panibus qui consuetudinaliter foliate vocantur. Hanc itaque refectionem frater ille administrabit qui altare de Lissuge in procurationem tenebit. Neque vero presumptivum judicetur, si de hujus altaris redditu anniversarium nostrum duximus procurandum. Licet enim idem altare cum aliis tribus ecclesie nostre antea donatum fuisset, nos tamen propria in dustria fratrumque consilio de manu Godesealci hoc ipsum emancipantes in liberam et quietam hujus loci possessionem redegimus; ut igitur hec constitutio in pos- terum inconvulsa permaneat, annuente et aflirmante toto capitulo, anathematis innodatione astrinximus eum, quicumque presens statutum sciens predictam re fectionem ab usibus fratrum alienaverit, quatinus et hic a sacratissimo corpore et sanguine redemptoris nostri Jhesu Christi alienus, et in futuro tremendi ju- dicii die anathema maranatha fiat, nisi reatum secum recognoscens congrua satisfactione resipiscat.

Original. Sceau enlevé.

(1) Cette charte a été imprimée dans: Guèrard, Carlulaire de l'abbaye de Saint-Bertin, p. 295 (Voyez Table chronologique des chartes et diplômes imprimés, concernant l'histoire de la Bel gique, par Alpuosse Walters, tome n, p. 134.)

14