140.

Wy Lodewyc, grave van Vlaendren, hertoghe van Brabant, grave van Nevers, van Rethel, ende here van Machline, doen te wetene allen lieden, dat, als^ggjug' religieuse persone, onse gheminde vriende, de abd ende convent vander keгke van sinte Bertins, van sinte Omaers, an ons commen siin ende met hem de goede liede van Poperinghe, toghende hoe dat onse voorders graven van Vlaendren, daer God de zielen of hebben moete, grote ionste ende devocie ghedraghen ende ghehat hebben ter vorseider kerke waert van sinte Bertins, ende hemleiden verchiert van vele sconen ghiften van goede, ende specialec van zulker eerlicheit als de vorseide religieuse] hebben bin der core van Poperinghe, ende hoe die van Poperinghe vorseid van gheenen faite voorder bannen moghen, dan allcene uter core van Poperinghe, mids den welken alrehande ballinghen, die van misseliken orriblen faiten menich waerven also ghebannen siin, hem onthonden alome in onse land van Vlaendren ende omtrent de core van Poperinghe, doende misselike wandelinghen ende ghedreeghe ende vele orribelicheiden, daerof vele onrusten ende roeringhen dickent ghesiin hebben ende ghevallen bin der core van Poperinghe vorseid, ende noch ghevallen mochten; omme twelke de vorseide religieuse, abd ende convent vander vorseider kerke van sinte Bertins, van sinte Omaers, ende met hem de goede liede van Poperinghe, ons omoedelike ghesuppliiert hebben, dat wy onse gracie doen wilden an hemleiden ende consenteren hemleiden te banne buten onsen lande van Vlaendren. Wy aensiende ende voorhoghen hebbende de grote ionste ende devocie, die onse voorders altoos ghehat hebben ter vorseider kerken waert van sinte Bertins, ende om de goede ionste vanden goeden lieden van Poperinghe, daeromme wy te bet moeten inclineren hemlei den gracie te doene, hebben bi goeder voorsienicheiden ende ripen rade, ter supplica- tien vorseid, hemleiden gheconsentert, ghewillekeurt ende ghegheven, consenteren, willekeuren ende gheven bi desen lettren over ons, onse hoir ende naercommers graven van Vlaendren teeweliken daghen, dat zy bannen moghen ute onsen lande van Vlaendren, ende wat personen die te Poperinghe wettelike ghebannen sal werden, van wat zaken het zy, eist -bi vonnessen van wetten of bi den vryen mannen, dat die van al Vlaendren deure werdich ghehouden sal siin;

1 82

ende ghemelt dat yemen ghebannen worde bi vervolghe van partien, so waneer dat hi sinen pais sal hebben ieghen partien, so zullen wy hem moghen gheven sine inlande bin onsen lande van Vlaendren tote der core van Poperinghe; ende daer naer dabd van sinte Bertins sal hem moghen gheven siin inlande bin der core van Poperinghe; nemaer dabd van sinte Bertins ne sal niemen die ghebannen es ute Poperinghe moghen gheven de vorseide inlande bin der vorseider core van Poperinghe, hi ne hebbe eerst sine inlande van ons; ende es te verstaue, al hebben zy inlande van ons, nochtaune zallen zy wetteloos bliven al Vlaendren deui,e ende ballinghe uter core van Poperinghe toter tyt, dat zy inlande hebben zullen bin der core van Poperinghe van den abd van sinte Bertins;\ende niemen sal inlande moghen hebben, hi ne hebbe eerst pais van partien; nemaer wy ne verstaen, niemen partie wesende, dan die ghevollecht sal hebben voor wetten over hemselven of over siin goed of over sine maghe, ende ghemelt dat yemen ghebannen worde zonder vervolghen van partien , so moghen wy voren ende dabd daernaer de inlande gheven in der manieren dat boven verclaerst es van den andren die ghebannen souden siin bi vervolghe van partien ende in deser manieren ;'so hebben wy gheconsenteert de zaken vorseid behouden in allen andren zaken onser 'eerlicheit ende rechte, ende der vorseider kerke van sinte Bertins trechte, van den vors, goeden lieden van Poperinghe ende elx anders rechte; ende waert zo dat daerin enighe donkerheit ware of enich ghescil daerof quame, daerof behouden wy de verclaersinghe ende de kennesse tonswaert ende onse hoire ende naercommers graven van Vlaendren teeweliken daghen zonder fraude ende arghelist. Ombieden ende bevelen bi desen lettren allen baillius, onderbaillius, scoutetens, ammans, serganten ende justichiers van allen steden, poorten ende castelrien van onsen graefscepe ende lande van Vlaendren, dat zy houden onse vorseide gracie ende ghifte van waerden teeweliken daghen zonder in enegher maniere der ieghen te ghane of de contrarie tedoene, want wyt over ons, onse hoir ende naercommers graven van Vlaendren also ghehoudeu willen siin; hier- over waren van onsen rade de here van Praet, de proofst van Harlebeke onse cancellier, de tresorier van Camerike, de deken van sinte Donaes, de proofst van Onser Vrauwen van Brugghe, meester Testard vander Woestine, Pieter Janszone onse ontfanghere van Vlaendren ende andre. Ende om, dat wy willen, dat alle de zaken vorseid wel ende vaste ghehouden siin teeweliken daghen over ons, onse hoir ende naercommers in der manieren vorscreven , so hebben wy onsen seighel doen hanghen an dese presente lettren in kennessen der waerheit. Dit was ghedaen te Brugghe, den zeven ende twintechsten dach van laumaend, int jaer ons Heren als men screef dusentech drie hondert twee ende zestich.

Original. Sceau enlevé.