61.

Walterus, Dei gratia Tornacensis episcopus, omnibus presentes litteras in- specturis salutem in Domino. Noverit universitas vestra, quod nos ex testi monio abbatis et conventus sancti Petri de Aldenborg intelleximus, quod Wil- lekinus, filius Mamlot, quamdam partem decime, quam habebat in parrochia sancti Bertini, de terra, que vocatur Suinlant (2), ecclesie sancti Bertini pro triginta duabus libris Flandrensibus vendidit perpetuo et libere possidendam. Sed quia eandem decimam predictus Willekimus a comite Flandrie in feodum tenebat, ecclesia ei medietatem dicte pecunie dedit scilicet sexdecim libras, et promisit eidem, quod, quando assensum comitis de venditione dicte decime impetrare potuerit, habebit a predicta ecclesia residuum pecunie, scilicet sexdecim libras; et si assensum comitis impetrare non poterit dictus Willekinus, ecclesia supra- dicta possidebit dictam decimam tytulo pignoris, donec pecuniam suam integre perceperit, scilicet sexdecim libras; et hec solvende erunt in festo sancti Johannis Baptiste. Nos itaque predictum contractum, sicut legitime factus est, auctoritate poutificali tamquam episcopus loci confirmamus, salvo jure nostro et ecclesie baptismalis. In cujus rei testimonium presentem cartam sigilli nostri munimine roboramus. Actum anno Domini millesimo ducentesimo vicesimo septimo.

Original. Sceau enlevé.

(1) Cette charte a été imprimée dans: Warkkoenig, Flandrische Staats-und Rechts Geschichte, lome n, и» partie, preuves, p. 113.

(2) Suinlant, seigneurie, située à Poperinghe, est devenue plus tard la résidence d'un Prévôt, nommé par l'abbé de Saint-Bertin, pour y administrer les fiefs et les arrière-fiefs «'étendant sur diverses communes voisines.

60