81.

Universis presentes litteras inspecturis Magthildis de Wlurinchem, quondam castellana Bergensis, et Gillebertus, castellanus Bergensis, ejus filins, salutem

85

in Domino. Notum facimus, quod, cum ego castellanus promisissem et tenerer dare ad legem et assignare legitime decem libratas annui redditus ecclesie sancti Bertini, ita liberas et immunes ab omni subjectione et servicio, quod abbas ejusdem ecclesie posset eundem redditum mihi dare libere in feodum tenendum a me et successoribus meis de dicta ecclesia, ita quod ego et successores mei homagium propter hoc abbati ipsius ecclesie, qui pro tempore fuerit, facere teneremur, et eo etiam modo quod, si dictum homagium ego vel dicti successores mei facere denegaremus, vel in aliquo dictam ecclesiam super hoc molestaremus, abbas ipsius ecclesie dictum redditum capere posset tanquam suam hereditatem et per petuo possidere. Tandem quando ego iter arripui in Terram Sanctam, una cum illustrissimo rege Francorum Ludovico tempore generalis passagii, dedi et as- signavi ad legem coram scabinis territorii Furnensis, hominibus comitis Flandrie, videlicet domino Michaële Mattre, milite, domino Willelmo Внe�?, milite, Egidio Veis, Theobaldo Tastenord, Eghelino, filio Ghiselini, et Johanne dicto Vos, et per judicium eorumdem, dictum redditum ipsi ecclesie ad hereditatem meam jacentem in parrochia deVeinghem, videlicet ad terram, que diciturPanelswerf, et quatuordecim mensuras terre circa dictum werf jacentes, de consensu expresso dicte matris mee, que eandem hereditatem et jus, quod habebat in eadem, ad valorem dicti redditus coram dictis hominibus legitime werpivit et resignavit ad opus ecclesie memorate, et quia consensum domini terre, quando eandem hereditatem resignavi ipsi ecclesie et werpivi, non habui nec habere potui ad confirmandum et ratificandum predicta, promisi fideliter, quod infra primum annum post reditum meum, procurabo super hoc consensum et assensum domini terre, et si impetrare non possem, teneor et promisi dicte ecclesie facere aliud assignamentum equivalens alibi infra eundem annum de consensu domini et eodem modo, vel saltem solvere et reddere ipsi ecclesie centum et quinqua- ginta libras Artesienses, quas recepi et recognosco propter hoc me recepisse ab ipsa ecclesia in pecunia numerata, et si me interim mori vel vitam mutare contigerit, heres meus, quam cito certum esset vel ad noticiam perveniret de morte mea seu vite mutatione, extunc infra annum continue sequentem, pre dicta omnia et singula eodem modo et sub eisdem conventionibus usquequaque teneretur adimplere; ad que omnia tenenda et perficienda me, heredem meum, seu successores meos, omnia bona mea magis apparentia eidem ecclesie propter hoc specialiter obligavi. Kecognosco etiam me dictum redditum in feodum a viro religioso Gilleberto, abbate ipsius ecclesie, recepisse, et homagium propter hoc ipsi ecclesie coram hominibus suis francis me legitime fecisse. Ego vero Magthildis constitui me debitricem erga dictam ecclesiam de dicte pecunie summa ipsi ecclesie solvenda et reddenda, si dictus castellanus, filius meus, vel heres ejus, predictas conventiones infra annum, ut dictum est, non adimpleret. Et sciendum est, quod, si aliquis vel aliqui dictam ecclesiam super dictis redditu

86

et homagio medio tempore impedirent vel in aliquo molestarent, ego Magthildis teneor et promitto dictum redditum et homagium ipsi ecclesie legitime garan- dizare, vel saltem dare et reddere, quolibet anno decem libras Artisienses de dicta hereditate ratione homagii et servicii predictorum, et si dictus castellanus vel ejus heres predictas conventiones de consensu domini ad legem, ut dictum est, adimplerent, abbas ipsius ecclesie reddere teneretur quicquid de dicta here- ditate a me vel ex parte mea habuisset. Si vero dictas conventiones, ut dictum est, non adimplerent, idein abbas, quod de dicta hereditate percepisset, reddere minime teneretur, nec posset nec deberet illud perceptum in solulionem dictarum eentum quinquaginta librarum computari. Insuper illos novem denarios et obolum, quos dicta hereditas debebat annuatim tantummodo domino terre, ego Magthildis ad liberationem dicte hereditatis assignavi legitime coram dictis scabinis super residuum dicte hereditatis accipiendos. Dictis vero centum et quinquaginta libris, ut dictum est, persolutis, dicta hereditas libera et dicti castellanus et ejus heredes de dictis homagio et feodo immunes remanebunt. In cujus rei testimo nium et ut ratum habeatur presentes litteras ipsi ecclesie concessimns sigillis nostris roboratas. Dalum et actum anno Domini millesimo ducentesimo quadra- gesimo octavo, mense julio.

Original. Sceaux enlevés.