139.

Nous Loys, coens de Flandres, de Nevers et de Rethel, a tous cheaus, qui ches presentes lettres verront et orront, saluut. Sachent tout, que, comme religieux li abbes et couvens de le eglize Saint Bertin, en Saint Omeir,

m

se fuissent trait pardevers nous, comme a leur gardien especial, de tout che, que ledite eglize a ou puet avoir, ou a ycelle en aucune maniere doit ou puet appartenir dedenz nostre pais de Flandres, et pour la cause de ledite garde, nous aient priiet et requis a grant instance, que nous leur fesissiens faire adrechement et amendement convenables de plusseurs meffais, transgressions et injures, pertes et damages, quil disoient iestre fais et perpetrez a eaus, leurdite eglize et cheaus de leur ville de Poperinghes, par cheaus de nostre ville dYppre, par plusseurs fois et en plusseurs manieres, tant en maisons ardoir, en gens tuweir, comme en faisant prejudice et injure a ledite eglize saint Bertin, et ensi en amennuysant le mueble, rente et hiritage dycelle eglize, ensi que che et plusseurs autres chozes, en le demande desdis religieus sour che faite, et a nous de par eaus baillie, pour cheaus de nustredite ville dYppre contraindre a che faire amender, plus plaincment apparoient; et nous a ledite requeste desdis religieus eussons assigne journee pardevant nous a cheaus de nostredite ville dYppre, pour respondre a nous a ledite demande des religieus dessusdis, et pour proceder sour che, ensi comme de droit et de raison seroit a proceder. Et cil de nostredite ville dYppre eussent le response de par eaus faite sour ledite demande, avons baillie par escrit, et en apres, a le requeste de cheaus de nostredite ville dYppre, eussons assigne certaine journee as religieus et a cheaus de Poperinghes dessusdis, pour esteir a droit devant nous sour les demandes touchans les coses dessusdites et autres, que cil de nostredite ville disoient et entendoient a faire et a demander, par maniere de reconvencion, as religieus et a cheaus de Poperinghes devantdis. Nous, considerans le debat et descord meut entre lesdites parties, desirans mettre et norir pais entre eaus et tous nos subgez, euissons priiet et requis pour bien de pais as meismes parties, kil des dessusdites demandes et de tous debas, descors, contens, meflais et rankunes, fust en gens tuweir, en maisons ardoir, ou autrement en quelconqne maniere que ce fust, qui ont este, sont ou puent iestre entre eaus jusques aujourduy, soient cil de nostredite ville dYppre ou les singuleres personnes dycelle, encontre les religieus ou ceaus de Poperinghes devantdis, ou les meismes religieus ou cil de Poperinghes en contre ceaus de nostre ville dYppre, ou les singuleres personnes dycelle, soit conjointement ou devizement, et especialement et closement de toutes demandes et calainges et de toutes autres coses queiles que elles soient, que les devantdites parties porroient du tans passe demander lun a lautre en quelconque maniere que ce fust, se vausissent comporter, de haut et de bas et du tout en tout en nostre dit et ordenanche, et les devantdites parties, cest a savoir monsingneur Henri . . . , abbes et sire Jehans Canne, moisnes et procureurs de ledite eglize de saint Bertin, pour lesdis religieus et en leur nom, a che faire soffissamment fondeis, sire Jehans de le Clite advoe, Denis Wildegans conselgier, et maistre Jehan Berengier, clerc de nostredite ville dYppre, pour ceaus de nostre meisme ville

23

178

et en leur nom, Jehans de leWedde, Lambers de Provendes, Jakemes Selm et Jakemes le Griet, pour ceaus de Poperinghes et en leur nom, procureurs a che faire de par les dessusdis soffissamment fondez et commis, eussent com promis de toutes les coses dessusdites, en le maniere comme dit est, et a nostre- dite priiere et requeste, en nostre dit et ordenance. Nous, eu deliberacion et avis par nous et nostre conseilg sour toutes les choses dessusdites et cas- cune dycelle, considere le tans des rebellions et esmeutes, qui ont este en nostre pais de Flandres, et toutes autres coses, qui a che sont a considerer, disons, prononchons et ordenons, iestre et demourer a perpetuite boine et ferme pais entre les dessus- dites parties, et maiement entre ceaus de nostre ville dYppre et les singuleres personnes dycelle et ceaus de Poperinghes dessusdis et les singuleres personnes, et cil de Poperinghes et les singuleres personnes encontre eaus, de toutes les coses dessus escrites et cascune dicellez et de ce que en puet dependre. Et sil avenist, que ja ne avienge, que letlite pais ne fust tenue en le maniere comme dit est, ou enfrainte ou encontre icelle fait en aucune maniere, celle ville des dites deus villes, qui ledite pais ne tenroit ou enfraindroit, ou feroit al en contre en quelque maniere que ce fust, ou niefleroit lune a lautre en aucune maniere, pour la cause et occoision des choses dessusdites ou daucune dycelles, kerroit en une paine et amende de siis mille livres parisis, a paier de che deus mille livres parisis a monsingneur le evesque de Therewane, deus mille livres parisis a nous et deus mille livres parisis a ycelle ville des deus, qui ledite pais tenroit, et sour lcquele ycelle pais serait enfrainte. Et chieus ou chil, que ledite pais enfraindroit ou enfrainderoient, iche faisant pour le cause et le occoison des coses dessusdites ou daucune dycellez, seroit corrigiet selonc le loy et le coustume du lieu, en le maniere comme il appartendroit, comme bri seur de pais. Et est nostre entente et ensi le disons et declarons, que comment que aucune ou aucunes singuleres personnes ou linage ou linages, tant de nostredite ville dYppre comme de Poperinghes, enfiainsist ou enfraijisissent Je dessusdite pais, ou fesist ou fesissent en aucune maniere encontre icelle, le paine ne amende des siis mille livres dessudites ne seroit pour ce nnlement fourfaite ne encourrue. Mais se li cors de nostredite ville dYppre, ou le plus grande ou le plus forte partie dicelle, issist nostre meisme ville dYppre, a son de clokes, a bannieres desploiies, et alaissent sour cheaus de Poperinghes, et combatissent a eaus ou arzissent icelle ville, ou communement desreubaissent, sauve che que ce ne fust de nostre commant, ou cil de Poperinghes ou le plus grande ou le plus forte partie deaus, ississent de Poperinghes, en autele maniere, et alaissent vers Yppre, et combatissent a eaus, ou arzissent icelle ville, ou communement desreubaissent, a dont et en tel maniere seroit ledite paine et amende fourfaite et encourrue et en nule maniere autrement. Et ensi le disons et prononchons, que del injure, que cil de nostredite ville dYppre

179

ou les singuleres persones dycelle puent avoir fait, en le occoison des choses dessusdites, ou aucune dycelles ou autrement en tans passe, a le eglise, labbe et le couvent de saint Bertin dessusdis, prieront lidit procureurs de nostredite ville, el nom dycelle et des singuleres personnes dycelle, as devantdis abbe et procureurs de le eglise et couvent devantdis, el nom dycelle eglise et du couvent, que che, que il ou aucun deaus as choses dessusdites ou aucune dycelles leur puent avoir meflait, faisant prejudice a eaus en aucune maniere, il leur . voillent pardonner el nom dessusdit. Liquel procureurs a nostre requeste iche el nom dessusdit en autel maniere firent. Liquel abbes et procureurs, el nom deaus, de ledite eglize et du couvent saint Bertin, pour eaus et leur succes seurs, pardonnerent simplement et du tout en tout, a le priiere de nous et des procureurs de nostredite ville dessusdis, faite comme dit est, toute le injure, et tout che, que tout cil de nostredite ville dYppre ou les singuleres personnes dycelle ont ou puent es choses dessus escriptes ou aucune dicelles, ou autre ment en quelconque maniere que che fust, avoir fait ou mespris du tans passe a le eglize, labbe et le couvent saint Bertin dessusdis, et a ceaus de Pope- ringhes, sans ent a ceaus de nostre meisme ville dYppre ou as singuleres personnes dycelle jamais en tans avenir rien demander ou calengier par eaus ne par autruy. Et ensi pour che, que ledite eglise saint Bertin a ou puet avoir encourru aucuns cous, frais, pertes et damages, en loccoison des choses dessusdites ou daucune dycelles par cheaus de nostredite ville ou les singuleres personnes dycelle, volons et a che faire commettons nostre ame vallet Josse de Heimsrode, ke il de che enquierch de par nous et en nostre nom, et che quil en trouvera par sedite enqueste, nous raport che foyaulement, par quoy nous en puissons dire et ordeneir che que boin et raison nous samblera. Et parmi nostre present dit et ordenance disons et volons, que les dessusdites parties soient et demeurent a tous jours mais en boine pais et en transquillite, et aussi boin ami, comme il furent onkes en tans passe, j et especialment cil de nostredite ville dYppre et les singuleres personnes dycelle a ceaus de Poperinghes et as singuleres personnes, et cil de Poperinghes et les singuleres personnes a ceaus de nostredite ville dYppre et as singuleres personnes dycelle,/ sans jamais faire ne venir al encontre, sour le paine et amende dessusdite a four- faire et encourre en le maniere comme dessus est dit^Et sil avenist, que aucune cose fust obscur en ces lettres, par quoy aucun debat en porroit naistre entre lesdites parties, ou quil eust en aucune maniere mestier de interpretacion ou declaracion en tans avenir, nous Loys, contes dessusdis, retenons de ce le inter pretacion et declaracion vers nous et nos successeurs contes de Flandres, j En tesmoignage de ce nous Loys, coens dessusnommez, avous mis no seel a ces presentes lettres. Et nous Henris, par le soufranche de Dieu, abbes, et Jehans Canne, moisnez et procureurs de saint Bertin dessus nomme, pour nous, nod i te

480

eglise et le couvent dycelle et nodite ville de Poperinghes, en tant quil nous touke; et nous Jehans de le Clite advoez, Denis Wildegans, conselliers, et Jehans Berengers, clers de ledite ville dYppre, comme procureurs dessusdit; et nous Jehans de le Wedde, Lambers de Provendes, Jakemes Selm et Jakemes le Griet, comme procureurs de Poperinghes, ou nom desdites ville, pour elles et les singuleres personnes dycelles, tenons, loons et approvons le dit et lordenanche de no treschier et ame singneur monsingneur Loy conte dessusnomme iestre boins, justes et loyaus, et les promettons ou nom dessusdit a tenir par nous et nos successeurs de point en point a tous jours perpetuelement, sans jamais dire, faire, ne venir al encontre. Et pour chou que lidite ville de Poperinghes na mie propre seel, nous, Simons Malin, Henris Bette, Lambers Godewin, Willaumes Diedeman et Lambers Melis, eschevin; et Willaumes le Grave, Main- froit Wyd, Willaumes Buxorere, Brixis le Dammere et Jakemes du Broec, coriier de ledite ville de Poperinghes, prions et supplions a no treschier et ame singueur monsingneur labbe de saint Bertin devantnommeit, que il voille mettre son saiel a ces presentes lettres en confirmant les nostres. Et nous Henris, par le soufrance de Dieu abbes devantdis, a le priiere desdis eschevins et cor- riiers de nodite ville de Poperinghes, avons mis no scel a ces presentes lettres. Et ensi nous, abbes et couvens dessusnomme, pour ce que nous volons tontes les coses dessusdites et cascune dycelles iestre bien et fermement aperpetuite tenu en le maniere dessus escrite, en tant comme il nous touke, ou nodite eglise, ou puet ou porra touchier en tans avenir, avons nous, pour nous et nos successeurs, a ces presentes lettres mis nos seausj Et nous, advoe et eschevin de ledite ville dYppre, pour nous et pour le communite de ledite ville dYppre et les singuleres personnes dycelli, avons fait mettre le seel de le devantdite ville dYppre a ces presentes lettres. Et ensement nous, eschevin et coriier de Pope ringhes devantnomme, pour nous, ledite ville de Poperinghes et les singuleres personnes dycelli, avons mis nos seaus a ces presentes lettres, en tesmoignage de coses dessusdites. Che fu faite etc (1).

(1) Cet acte, écrit sur parchemin à cette époque, nous parait C'tre une copie, vu l'absence de ia date; d'ailleurs on ne peut plus constater, s'il a été muni de sceaux.

iSl