138.

Ademarus Roberti, archidiaconus de Constantino, in ecclesia Constanciensi, olim scolasticus in eadem ecclesia, domini pape capellanus ejusque sacri palatii causarum et cause ac partibus infrascriptis ab eodem domino papa specialiter deputatus auditor, venerabilibus et discretis viris dominis .., decano de Roseto, Laudunensis diocesis, Johanni de Sinemuro, preposito de Beligneyo in ecclesia Eduensi, ac Johanni de Camberona, canonico Laudunensi, executoribus ut dicitur deputatis super gratia apostolica olim facta, per felicis recordations dominum Johanuem papam XXII, fratri Johanni de Montecornuto, monacho monasterii sancti Andree, ordinis sancti Benedicti, Avinionensis diocesis, de benelicio ecclesiastico cum cura vel sine cura, etiam si administrate, dignitas vel personatus seu offi cium existeret, consueto per moinichos monasterii sancti Bertini, de sancto Aude- maro, dicti ordinis, Morinensis diocesis, ad collationem , presentationem vel quamcumque aliam dispositionem abbatis et conventus dicti monasterii sancti Bertini, pertinente communiter vel divisim vacante vel vacaturo, ac omnibus et singulis eorum subexecutoribns super executione dicte gratie constituas, salutem in Domino. Noveritis, quod nos dudum in causa seu causis appellationis seu appel- lationum et negotii principalis, que vertuntur seu verti spectantur inter dictum fratrem Johannem ex parte una, et abbatem et conventum dicti monasterii sancti Bertini, super prioratu de Baswarneston, dicte Morinensis diocesis et ejus occasione ex altera, servatis termini's debitis et consuetis, legitime precedentes ad instantiam dicti fratris Johannis in causa ipsa inhibuimus, ut est moris, prout in instrumento inhibitionis manu Poggii de Prato, notarii publici infrascripti scribeque nostri publicato plenius continetur; cujus instrumenti inhibitionis tenor noscitur esse talis: In Dei nomine. Amen. Dudum sanctissimus pater et dominus noster, domi nus Benedictus divina Providentia papa XII, causam seu causas appellationis seu appellationum et negocii principalis, que vertuntur seu verti spectantur inter fratrem Johannem de Montecornuto, monachum monasterii sancti Andree, ordinis sancti Benedicti, Avinionensis diocesis, asserentem se priorem prioratus de Baswarneston, Morinensis diocesis, ex parte una, et abbatem et conventum monasterii sancti

Bertini, in sancto Audemaro, ejusdem ordinis, dicte Morinensis diocesis, super dicto prioratu et ejus occasione ex altera, nobis Ademaro Roberti, ecclesiastico ecclesie Constanciensis, domini pape capellano et ipsius sacri palatii causarum primi gradus auditori, audiendas commisit et fine debito terminandas cum emergen- tibus, dependentibus, contingentibus et annexis. Postmodum vero nos ad instan- tiam fratris Johannis predicti magistrum Jacobum de Villa, procuratorem abbatis et conventos predictorum per quemdam domini pape cursorem citari mandavimus ad dicendum, si quid ditere vellet contra commissionem hujusmodi nobis factam ad peremptus certam diem. Datis quoque postmodum nonnullis exceptionibus per procuratorem predictum contra commissionem eandem in judicio coram nobis et per eundem fratrem Johannem contra exceptiones easdem postmodum replicato, quia magister Jacobus, procurator predictus, ut dicebatur, se de romana curia absentaverat, nos abbatem et conventum predictos seu procuratores eorum, si qui forent in romana curia pro eisdem, ad audiendum voluntatem nostram , utrum cause supradicte forent ad romanam curiam legitime devolute, et in ea tractari et finiri deberent, in audientia publica domini nostri pape citari fecimus, ut est moris, tandem per nos de consilio coauditorum nostrorum pronunciatis causis hujusmodi fore ad romanam curiam devolutas et in ea tractari et finiri debere de jure. Nos ad dandum et recipiendum libellum seu petitionem summa- riam in causis hujusmodi abbatem et conventum prefatas per andientiam publicam antedictam, nec non magistrum Nicolaum de Parnio, qui dicebatur procurator abbatis et conventos pretactorum per domini pape cursorem, ad instantem ejusdem fratris Johannis citari mandavimus ad peremptus certam diem, dicto fratri Johanni ad eosdem actum et diem eundem terminum statuendo; qua qui- dem adveniente die, idem frater Johannes comparuit in judicio coram nobis, et dictorum abbatis, conventus et magistri Nicolai non comparentium nec satisfa- cientium termino contumatias accusavit, petens ipsos per nos contumaces etiam reputari, et in eorum contumaciam quemdam libellum seu petitionem summariam in causis exhibuit sepedictis. Deinde vero nos dictis citatis contumacibus quo ad actum hujusmodi reputatis ad sepefati fratris Johannis instantiam , abbatem et conventum antedictos per supradictam audientiam ad deliberandum et jurandum, et per partem alteram jurare videndum, super dicto libello seu petitione predicta et in tota causa hujusmodi, citari fecimus ad peremptus certam diem per audientiam prelibatam. In qua quidem die comparuit in judicio coram nobis frater Johannes, principalis prenominatus, et accusata contumacia citatorum predictorum non comparentium, petiit eos contumaces per nos reputari et in eorum contumaciam corporaliter ad sancta Dei evangelia super dicto libello et in tota causa hujusmodi de calumpnia et veritate dicenda, cum omnibus capitulis ejus, prestitit juramentum. Denique, dicto fratre Johanne instante, nos eosdem abbatem et conventum ad certum terminum competentem citari peremptorie fecimus ad

175

videndum in hujusmodi causa inhiberi, vel dicendum causam rationabilent, quare in ea inhiberi non deberet per audientiam sepefatam. Competente itaque in dicto termino in judicio coram nobis fratre Johanne predicto, et eorumdem abbatis et conventus non comparentium contumacia accusata, petiit idem frater Johannes ipsos per nos contumaces reputari et in causa hujusmodi more solito inhiberi. Nos itaque Ademarus, auditor prefatus, dictos abbatem et conventum non comparentes, licet usque ad horam debitam expectatos, reputavimus, quo ad actum hujusmodi exigente justicia, merito contumaces, а�? petitioni dicti fratris Johannis principalis, tanquam juri consone, annuentes volentesque inter partes easdem equalitatem servare, dicto fratri Johanni principal,i presenti, ac abbati et conventui supradictis licet absentibus, et eorum cuilibet inhibemus expresse, ne alterutra dictorum partium contra alteram, lite seu causa coram nobis sic pendente predicta, in prejudicium jurisdictionis nostre et cause hujusmodi, vel ipsarum partium aut alterius earumdem, aliquid per se vel alium seu alios innovet vel attemptet, seu innovan vel attemptari faciat, quoquo modo ipsis nichilominus predicentes expresse, quod, si secus attemptatum extiterit seu forsitan iunovatum, id in statum pristinum exigente justicia curabimus revocare. In quorum omnium testimonium presentem inhibitionem nostram scribi et publican fecimus, per Poggium de Prato, notarium publicum infrascriptum scribamque nostrum, et nostri sigilli appensione muniri. Datum et actum Avinione, in palatio apostolico, ubi jura redduntur, mane hora cau sa rum eodem domino auditore ibidem ad jura reddendum, in loco suo solito, pro tribunali sedente. Anno Domini a Nativitate millesimo trecentesimo tricesimo septimo, indictione quinta , die veneris, tercia mensis octobris, pontificatus supradicti domini nostri, domini Benedicti pape XII anno tercio, presentibus discretis viris, magistris Johanne dé Portu in romana curia procuratore, Jacobo de Castello et Johanne de Aquamundula, clericis Gaietanensis diocesis, notariis publicis ac scribis prefati domini auditoris , testibus ad premissa vocatis specialiter et rogatis. Et ego Poggius Zarii de Prato, clericus Pistoriensis diocesis, publicus imperiali auctoritate notarius, ac scriba venerabilis et circumspecti viri domini Ademari Roberti, auditoris prefati, predicte inhibitioni anno, indictione, die, mense, pontificatu et loco predict is, una cum prenominatis testibus, et omnibus aliis et singulis supradictis, dum per ipsum dominum auditorem et coram eo agerentur, presens fui eaque sic fieri vidi et audi vi, ipsaque propria manu scripsi, et in hanc publicam formam redegi, de mandato dicti domini auditoris, et ad ejusdem fratris Johannis principalis instantiam, meoque consueto signo signavi in fidem et testimonium premissorum. Novissime autem comparuit in judicio coram nobis magister Johannes Hurtaudi, procurator abbatis et conventus predictorum, nosque cum instantia requisivit, ut inhibitionem ]>redictam vobis notiticaremus, ne in premissis ignorantiam aliquam pretendere valeatis. Quapropter nos ad ipsius magistri Johannis rastantiam et requisitionem

i 76

vobis omnibus et singulis predicta omnia et singula intimamus, notificamus, et ad vestram noticiam deducimus et deduci volumus per presentes. In quorum omnium testimonium presentis nostre notificationis litteras inhibitionem hujusmodi continentes scribi fecimus, et per Poggium, notarium publicum infrascriptum, nostrum dicteque cause scribam, publicari mandavimus, nostrique sigilli appensione muniri. Datum et actum Avinione, in palatio apostolico, ubi jura redduntur ipso domino auditore ad jura reddendum, pro tribunali sedente; anno Nativitatis Domini millesimo trecentesimo quadragesimo, indictioue octava, die mercurii, duodecima mensis januarii , pontificatus memorati domini nos!ri , domini Benedicti pape XII, anno sexto, presentibus discretis viris, magistris Jacobo de Civitatecastelli, Johanne Nicolai de Aquamundula, et Petro Chavarocha, clericis Gaietanensis et Engolismensis diocesis, notariis publicis ac scribis prefati domini auditoris, testibus ad premissa vocatis specialiter et rogatis..

Et ego Poggius Zarii de Prato, clericus Pistoriensis diocesis, publicus imperiali auctoritate notarius, ac venerabilis et cir- cumspecti viri domini Ademari Robert i, auditoris prefati dic teque cause scriba, petitioni et concessioni dicte intimationis, inhibitiouis ac omnibus et singulis aliis suprascriptis, per ip- sum dominum auditorem et coram eo ut supra leguntur, factis et habitis, una cum prenominatis testibus, presen s fui, anno, indictione, die, mense, pontificatu et loco predictis, eaque omnia et singula de mandato et auctoritate memorati domini auditoris in hanc publicam formam redegi, meoque consueto signo signavi, in testimonium premissorum a dicto magistro Johanne Hurtaudi, procuratore, requisitus specialiter et rogatus.

Acte notarial, avec monogramme. Sceau enlevé.