43.

Radulphus, Dei permissione Atrebatensis ecclesie sacerdos humilis, omnibus ad quos presentium notitia pervenerit in Domino salutem. Noverit universitas vestra, quod Agnes, uxor Hugonis de Bakelrod, coram nobis recognovit, quod omne jus dotalicii, quod ex dono alterius mariti sui jam defuncti, Gilleberti scilicet de Wartenbeke, habebat in duabus garbis decime in parrochia sancti Bertini de Baswarnestun, ex aquilonali parte Leye jacentis, ecclesie sancti Bertini sponte et non coacta in elemosinam dederit per manum Balduini, domini de Comines, de cujus feodo eadem decima erat, predicto Hugone marito suo in hoc consentiente et manum apponente. Ambo namque, tam Hugo scilicet quam Agnes, predicti in presentia nostra juraverunt, quod nullam de cetero super hac décima calumpniam suscitarent, nec aliquam vi vel fraude qualibet per se vel per alios ecclesie predicte super eadem decima injuriam inferrent. Ut igitur hec rata permaneant et inconvulsa ad petitionem predictarum pei sonarum et etiam ad preces ecclesie sancti Bertini, ea, que coram nobis acta sunt, presenti carta tes- tificamur, hiis, qui hanc decimam ecclesie sancti Bertini conservabunt, bene- dictionem a Domino optantes; eis vero, qui injuriam inferre presumpserint, ma- ledictionem comminantes. Actum est hoc anno Domini millesimo ducentesimo tercio decimo, mense aprili.

Original. Sceau enlevé.

43

M.

Adam,évêque des Marins, confirme la vente de deux gerbes de la dime de Bas- Warneton, faite à l'abbaye de Saint-Bertin par Baudouin de Meternes et Elisabeth, sa femme, à l'intervention de Baudouin, seigneur de Comines.

Adam, Dei gratia Morinorum episcopus, omnibus, ad quos presentium perve- 1216, nerit noticia, in Domino salutem. Quum ex officio cure pastoralis jura eccle- ({217 n.s.) siarum defendere et conservare et earum perfectibus congaudere debemus, ad février, preces dilectorum nostrorum abbatis et conventus sancti Bertini, duas garbas decime in parrochia sua de Baswarnestun, quas a Balduino de Meternes et Elizabeth, uxore ejus, per manum Balduini, domini de Comines, acquisierunt, sicut in ejusdem Balduini autentico scripto, quod vidimus et manus nostre tractaverunt, continetur, ipsis et ecclesie sue perpetuo possidendas pontifical i autoritate confirmamus; eis, qui hane decimam ecclesie predicte conservaverint, a Domino benedictionem optantes; ilíos autem, qui contra nostram confirmationem venire presumpserint, de eadem decima sepedicte ecclesie injuriam inferentes, excommunicationi subjiciendos esse decernentes. Actum anno Domini millesimo ducentesimo sexto decimo, mense februario.

Original. Sceau enlevé.