Cartularium Recuil des Chartes Du Prieure de Saint Bertin, A Poperinghe et de ses dependances a Bas-Warneton et a couckelaere, Nr. 141. , S. 197
141.
Wy, Lodewyc, grave van Vlaendren, hertoghe van Brabant, grave vanNevers, van Rethel, ende here van Machline, doen te wetene allen lieden, dat van ns den gheschille dat was hanghende voor ons tusschen onser stede van Yppre an deene zide, ende den abd van sinte Bertins van sinte Omaers, ende die van Poperinghe an dandere, als vauden banne, die te Poperinghe ghedaen was up Willem Trooste als van den doot van Clays Staline. \Ghehoort tale ende wedertale de vermete van beeden partien in ghescryften ghestelt, een besouc bi onsen rade derup ghedaen, dat ons overbrocht, ontploken ende nerenstelike versien, om dat wy claerlike vonden hebben, dat de vorseide Willem Troost langhe naer de tyt, dat hi poortere worden was tYppre, quam te Poperinghe voor wette, neren stelike versoukende om tkeurbroederscep ende om de vryhede van Poperinghe, daertoe hi wettelike ontfaeu was naer costume ende usaige van Poperinghe, mids den welken hi stavelie zette te scote ende lote gaende, ende siin ambocht doende als een keurbroeder, toter tyt dat tfait van Clays Staline vorseid ghevallen was, daeromme hi ghebannen es. Ende ooe om dat de dode ghescauwet was bin der vryhet van Poperinghe wel ende wettelike.eSo dinct ons recht ende hebben ghewyst, dat de wettelichet, die te Poperinghe ghedaen es up Willem Troost vorseid, als vander doot van Clays Staline, sal siin ende bliven goed, vast ende van waerden, elken van beeden partien staende in andere zaken up siin goede recht, ende dit vonnesse niemen mede noch ieghen gaende, danne allene dien van Yppie ende dien van Poperinghe. Hierover waren van onsen rade: de borchgrave van Dixmude; here Vranke van Hale; de here van Maldegheem; here Willem van Reinghersvliete; here Gherard van Riesseghem; here Godevaert vander Delft; here Rogier Boetelin; de profst van Harlebeke, onse cancellier; de deken van sinte Bonas; de profst van Onser Vrauwen van Brugghe; meester Jan Blankaerd, deken van Ludeke; meester Teestart vander Woestine; ende Bieter, f8 Jans, onse ontfanghere van Vlaendren. Bit was ghedaen te Ghend, den viere ende twintechsten dach van maerte, int jaer ons Heren dusentech drie hondert viere ende zestech.
Original. Sceau enlevé.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}