27 •

420

In nomine sacrosancte et individue trinitatis. Hermannus dei gracia marchio de Baden. Omnibus tam presentibus quam futuris salutem et veritatis testimonium non negare. Labilis humane fragilitatis memoria necessario scripturarum requirit aminicula, ut cum aliqua fiunt a modernis que sunt memorie digna scripto commendentur, ne a posteris ignorantie aut obli- vionis vicio indebite retractentur. Nosse itaque cupimus uni- versitatem fidelium, quod cum dilectissimus beate recordationis germanus frater noster Fredericus igne sancti sepulchri succen- sus se ipsum abnegasset et assumpta cruce dominum sequi de- siderasset, nos felici proposito ipsius congaudentes, ut laboris su i participes mereremur fieri, fideliter ipsi promisimus, quod quamcunque partem proprietatis tam sue quam nostre pro re medio anime sue domino vellet conferre, oblacionem ipsius consensu nostro firmaremus, super hoc lilteras nostras ipsi dantes consensus nostri testimonium continentes. Cum igitur idem frater noster ad terram promissionis prospero itinere per- venisset, ubi tandem viam universe carnis ingrediens pro re- muneratione divina omnem proprietatem suam et nostram in Ulma tam in agris quam in pascuis molendinis aquis piscariis nemoribus et omnibus eidem proprietati adtinentibus fratribus domus hospitalis Theutonice sancte Marie in Ierusalem contulit proprietatis nomine et pleno iure perpetuo possidendam; super hoc litteras suas nobis dirigens et postulans, ut sicut promisi mus factum suum consensus nostri robore firmaremus: nos itaque promissionis nostre non immemores, sepedicti fratris nostri factum ratum habentes et donacionem ipsius auctoritate nostri consensus roborantes memoratam proprietatem fratribus predicte domus cum omnibus adtinentiis pleno iure sicut supra taxatum communicato uxoris nostre Irmingardis consensu dona- vimus perpetua pace et quiete absque omni heredum nostrorum reclamatione liberam possidere. Porro ne aliquis sepedictos fratres in hac donacione quoquomodo molestet vel impediat, banc eis cartam dedimus , sigilli nostri munimine cum sub- scriptione lestium qui eidem facto presentes aderant roboratam.

Testes vero sunt hii: Luduwicus dux Bawarie. Hermannus marchio de Baden. Bertoldus de Alenvelt. Hobolt de Walmo- hus. Wignandus de Alzeia. Burchardus senior et iunior de Rode. Cunradus de Calewe. Sifridus de Rintpuren. Sifridus de Butekeim. Henricus de Salbach.

421