26 *

404

Ollmesheim, Niclas von Gielsdorf, lohann Wenemar und die schoffen von Bonn insgesammt heurkunden eine zwischen den deutscbordensrittern und den briidern und sehwagern des von Werner Schonhals, hauscomthur zu Coblenz, erschlage- nen Iohann von Mohrenhoven gegen zahlung von dreissig mark gemachte siihne. 1345 ian. 20.

Wir Herman Mollync, Godehard van Rambrechtzhovin , Iohan van Olmezheym, Clays van Gylzdorp, Iohan Wenemar inde die scheffenen gemeynlichin zu Bunna dun kunt allen den die desin intgenwordigin brief ane sient inde horint lesin, dat vur uns Heynrich van Mile, Gerard, Herman Zeymsse inde. . Riipstorp van Moernhovin ergiet havint inde bekant samenk- lichin, mit gudin willin, dat si mit den herin des Duutzhin huus van Kovelenze, alz van deme doytslage, de geschach an Iohanue van Moernhoven van herin Werners Schonehalz heu- dyn des huuskummenturs zu Kovelenzhe, mynlichin inde gut- lichin, miz uver ere vrunt, an beydin sitin , sint gesat inde gemutsunt, umbe drissich marc kolsch pagements als genge inde geve is, die dese herin desin vursproggenen ludin, die dis dodin brudere inde swagere warin, wale bezalt inde ge- gevin hant; herumbe so havint si eyndrechtlichin vur uns ur- vede gedan, inde zu den heyligin gesworen vur sich inde alle ir vrunt, geborin inde ungeborin, dat si dese mutsune, alz lange alz wasser geyt uver steyn inde eygge in der erdin steyt, solin stede haldin, sunder alre hande argelist. Dat dit waer inde stede blive inde vaste gehaldin werde, so han wir schef- fenen van Bunna vurgenant unse gemeyne ingesigel van be- din wegin inde geheys deser beyden partien an desin brief gehangin zu eyme urkunde. Dis brief iz gegevin na den iarin uns herin dusint dru hundert inde vunf inde vierzich iaer, up sente Agnetin avint der heyliger iuncvrouwen.