Nos Winricus de Baswilre commendator domus Theutonice in Confluencia et ceteri fratres eiusdem ordinis universi re cognoscimus harum serie litterarum publice confitentes, quod cum inter viros honorabiles dominum Henricum de Duna pre- positum, .. decanum et capitulum ecclesie sancti Pauli Wor- maciensis ex una, et nos et ordinem nostrum ex parte altera questionis et rancoris verteretur materia: tandem habitis et ventilatis multis tractatibus ac diversis, causa ipsa in viros dis-

Urkundcnbuch des deutschen Ordens. 23

354

cretos . . dictum Sluszel de Selhovin militem, Emirchonem iudicem secularem, Cunradum dictum zume Romir, Theode- ricum de Wolkinburg cives Maguntinenses, Iohannem de Fri- sinheim, Henricum camerarium, milites, Helmannum dictum Holtmunt et Helmannum de picta domo cives Wormacienses, Petrum de Bechtolsheim scultetum, Cunemannum de Lorce- wilre milites, Iacobum dictum Brunig et Lutzonem de Lom bardo cives Oppinheim , tanquam arbitros, arbitraires seu compositores amicabiles, consentientibus nobis et parte altera extitit compromissa. Qui duodecim arbitri habita bona et ma tura deliberatione talem unanimiter concorditer et unisone com- positionis inter nos et alteram partem formulam ediderunt, videlicet quod fratres domus in lbirnsheim nostri ordinis da- bunt ecclesie sancti Pauli predicte sex hubarios qui prestitis iuramentis pronunciabunt ac dicent iura domus ecclesie supra- dicte ac sculteto eorundem in villa lbirnsheim tunc pro tem pore constituto. Preterea magister domus in lbirnsheim qui pro tempore fuerit assumpto secum uno sex hubariorum pre- dictorum spirituali vel seculari tribus terminis in anno quo libet, scilicet singulis terciis feriis proximis post festum octave epiphanie domini, post dominicam misericordia domini et post festum nativitatis beati Iohannis baptiste, qui termini vocantur ungebodin ding, venient Wormaciam corporaliter super domum dominorum ecclesie sancti Pauli predictorum, ibidem pronun- tiaturi ac dicturi cum hubariis aliis de Wormacia et Eychene, iura super eis de quibus fuerint requisiti, sicut antiquitus et hactenus est servatum. Ceterum si magister de lbirnsheim, obstantibus causis legitimis ët inevitabilibus, terminis predictis vel aliquo eorum absque dolo et fraude Wormacie non pote- rit comparere, unum de sex hubariis loco sui substituet tali- ter quod sint duo. Ad confirmationem itaque et solidam con- servationem compositionis predicte prefati arbitri sue pronun- tiationis formam pena huiusmodi vallaverunt quod quecunque parcium ipsarum compositionem predictam infregerit aut vio- laverit in parte aliqua vel in toto, illa pars tenebitur alteri parti servanti compositionem in centum marcis argenti dandis et integraliter persolvendis. Nos quoque Winricus commenda- tor pretactus sigillo nostro presentes litteras nostro et ordinis nostri ac fratrum nostrorum nomine ac vice roboravimus et consolidavimus in testimonium contentorum omnium in eisdem.

355

Actum ac datum anno domini millesimo trecentesimo quinto- decimo, sabbato proximo ante festum sancti Urbani pape.