Alexander etc. Venerabilibus fratribus archiepiscopis et epis- copis et dilectis etc. Cum dilecti filii fratres hospitalis sancte Marie Theutonicorum Ierosolimitan. nullum habeant episcopum vel prelatum preter Romanum pontificem et speciali prerogativa gaudeant libertatis, non decet vos in eos vel clericos aut eccle- sias eorum, in quibus potestatem ecclesiasticam non habetis, absque mandato nostro excommunicationis vel interdicti senten- tiam promulgare. Sed si quando vos vel subditos vestros iidem fratres iniuste gravaverint, per vos aut nuntios vestros id Ro- mano pontifici significare debetis ac per ipsum de memoratis fratribus iustitiam obtinere. Inde est quod universitati vestre per apostolica scripta precipiendo mandamus quatinus in pre- dictos fratres sive clericos aut ecclesias eorum in quibus aucto- ritatem nequaquam habetis, excommunicationis vel interdicti sententiam promulgare nullatenus presumatis nec eos alias in- debita vexatione gravetis; sed erga ipsos vos taliter habeatis quod non habent adversum vos materiam querelandi: scituri quod si mandatum nostrum neglexeritis in hac parte, dimittere non poterimus quin eisdem fratribus in sua iustitia si apud nos querelam iterum deposuerint efficaciter providere curemus. Da- tum Viterbii, vu. id. septembr., pontificatus nostri anno tercio.

156