In nomine sancte et individue trinitatis. Theodericus dei gracia Trevirorum archiepiscopus omnibus Christi fidelibus, qui- bus scripti series innotuerit, in perpetuum. Cum non solum delicta corrigere verum etiam occasiones delinquendi sensibus hominum, ut ait scriptura, pronis ad malum prout valemus pre- cludere debeamus, utili sagacique provisione satagendum est, ut ea, que prudenter salubriterque fuerint ordinata, litterarum monumentis ac beneficio perpetuo conserventur. Noverit itaque universe posteritatis successio, quod cum domum hospitalis in

23

Confluentia in iacturam et dispersionem rerum ire perpendere- mus, pia contemplatione salubrique habito proposito de com- muni consensu et conniventia capituli sancti Florini ibidem, cui in ea ius competebat, ad honorem beate Virginis et succursum terre sancte et pauperum alimoniam liberaliter contradidimus fratribus hospitalis Teutonicorum sancte Marie ultra mare, tali tamen adhibita forma ut capitulum predictum perpetuo frater- nitatem habeat in predicta domo, ita ut si aliquem prefati ca- pituli mare transire contigerit colligi debeat et exhiberi in loco honesto ad hoc comodum deputato dum ipse canonicus hoc pe- tiverit. Si quis etiam fratrum sancti Florini domi in egritudine existens se desideret deferri in domum hospitalis, ab ipsis colligi debet in camera honesta et honestius exhiberi, suo tamen ip- sum stipendio comitante. Additum est etiam in argumentum et perpetuam recognitionem scilicet quod hospitalis domus quam sepedicti hospitalarii apud Confluentiam habent fundata fuerit et dotata de possessionibus tunc ecclesie beati Florini subiectis, ut in festo sancti Florini fratres hospitalis, ibidem pro temporum vicissitudine moraturi, cum canonicis debeant divinis obsequiis interesse, pro tali accessu dimidiam amam vini annis singulis accepturi; versaque vice in dedicatione ecclesie hospitalis cano- nici iam dicti cum processione hospitalis ecclesiam visitabunt, tam in primis vesperis quam in missa diei cum reverentia ser- viendo, amam vini ad propinationem suam etiam percepturi. Cumque multa deliberatione deprehenderimus tam domum quam aream prioris hospitalis propter nimiam sui angustiam hospita- lariis minime competisse, ipsam domum cum censu ipsius per ambitum ecclesie sancti Florini ad opus novi refectorii, ut et ibi pauperes reficiantur simul cum quadam carrata vini, que pietatis intuitu ab ipsius fratribus sancti Florini veteri hospitali dari solebat, tradere procuravimus. Preterea cum predicta do- mus hospitalis veteris obligata fuerit ecclesie beati Florini in servicio cotidiano clerici, de bonis eiusdem ordinata est eidem clerico prebenda, scilicet quinque iurnales vinearum in Wisse et census triginta solidorum Cofoniensium in Confluentia. Et ne alicui veniat in dubium, que sint possessiones ab episcopo et a fratribus beati Florini predictis fratribus hospitalis contradite, hec sunt: In parva Confluentia quatuordecim solidi Colonienses et paulo plus. In Leye novem denariorum census. In Capellen undecim denarii. In Malendre due marce. In Cadenbach tres

24

solidi, et triginta plaustra palorum; eadem quoque predicta villa cum omnibus appendiciis suis. In terminis eidem ville contiguis scilicet Duzezze quedam partes decime. In Sifenburne quidam agri. In Confluentia septem iugera vinearum. In Parva Con- fluentia tria iugera vinearum fertilium et due a novo culte et quidam agri. In Wisse quedam insula. In Capellen una vinea. In Cincholtren una vinea. In insula apud Valendre una vinea et quindecim iugera terre arabilis. Preterea ibidem quedam iura specialia de quibusdam mansis. In Malendre curtis honesta cum molendino et ibidem triginta iugera vinearum et amplius, quo rum decem de expensis hospitalis excoluntur, a reliquis vero que colonie sunt concessa portiones prout compromissum est cum totali decima hospitali persolvuntur. In Oftemedinch de cima de quibusdam agris specialiter spectantibus ad episcopum, et omnium pecorum in eadem curia degentium decima. In Ca- lethe vero sexaginta partes terre. Ut autem hec, que in timore domini circumspecta deliberatione feliciter ordinata sunt, per petua possint consistere firmitate, placuit tam nostra quam ec- clesie sancti Florini sigillorum impressionibus communire. Acta sunt hec anno incarnationis dominice m.cc.xvi. Epacta nulla, concurrente v.

Testes qui huic ordinationi interfuerunt sunt hii: Methfri- dus et Odewinus archidiaconi Treverenses. Conradus prepositus. Wolframus decanus. Gozwinus scolasticus. Theodericus cantor. Sewardus custos. Godefridus. Engilbertus. Dithardus. Warne- rus. Iohannes. Giselbertus. Albero. Godefridus. Anselmus, pre- lati et canonici sancti Florini in Confluentia. Florentius nobilis vir de Molesberch. Wilhelmus de Helfenstein. Hermannus de Bacheim. Wilhelmus de Archa. Cuno advocatus. Henricus de Atrio. Walterus de Porta. Henricus Rufus. Dithardus de Paf- fendorf. Hermannus de Hathemair, et alii quam plures.