Decanus ecclesie Treverensis . . decano christianitatis de Oftindinge salutem in domino. Cum quedam permutatio dicatur esse facta inter rectorem ecclesie de Oftindinge ex parte una et religiosos viros commendatorem et fratres domus Theuthonico- rum in Confluencia ex altera de duabus peciis vinearum sitis in confinio ville de Wize iuxta Confluenciam cum alia vinea sita ex opposito ville de Divelich ex qua una ama cum dimidia de- bentur ipsi rectore racione cultus divini faciendi per eundem et suos successores in futurum in capella de Waldorf infra li- mites dicte parochie de Ofdinge constituta et in qua plebanus predictus bis in ebdomada celebrare tenetur prout eciam fieri consuevit ab antiquo et racione officiacionis huiusmodi idem rector de quinque iurnalibus terre arabilis existentes in confinio seu banno ville de Waldorf fructus percipere consueverit ac de

390

duobus pullis sibi cedentibus in villa de Luneche racione cuius- dam minute pecie terre site prope curiam de Waldorf religio- sorum predictorum ultra viam communem existentis et quatuor sol. pagamenti de Luneche cedentes ad luminare in capella predicta, si vobis constiterit per fidedignorum parochie testimo- nium dicentium et deponentium per eorum iuramentum potius ecclesie et rectori pro tempore existenti quod habeat et libere percipiat unam amam vini cum dimidia ex vinea alia sita ei opposito ville de Divelich antedicta quam ex peciis vinearum predictarum extunc si dicti commendator et fratres hiis litteris sigillum suum apposuerint et vos domine . . decane vestrum apposueritis in testimonium veritatis premissorum, extunc nos in hiis scriptis superscripta prout superius sunt expressa approba- mus ratificamus et eisdem consentimus ad memoriam sempiter- nam. Datum anno domini m.ccc.xxx., feria secunda post festum pasche.