Fridericus secundus dei gracia Romanorum imperator sem- per augustus et rex Sicilie. Per presens scriptum notum facimus universis imperii fidelibus tam presentibus quam futuris, quod cum hospitale sancte Marie Theuthonicorum in Ierusalem tan- quam locum illum, qui a felicibus augustis progenitoribus nostris recolende memorie principum habuit, successiva benignitate ad perpetuam memoriam fundatorum et ad honorem Christi, in cuius obsequiis fratres ipsius sacre domus militare noscuntur, augmentare multipliciter ac fovere volentes, tam domum ipsam quam domos quascunque alias ubique derivatas ab ipsa necnon fratres et confratres ipsius sub nostra speciali protectione et defensione recepimus; confirmantes eidem domui privilegia omnia et quascunque concessiones, quas a predictis progenitori- bus nostris et a nobis etiam est adepta; statuentes ut per totum imperium nostrum nichil pro plateatico, passagio, theloneo,

58

portagio, ripatico, falangatico vel pro quolibet alio iure terra mariqoe, fluminibus vel in aquis solvere teneantur, nec ubique glandaticum, herbaticum vel aquaticum tribuant pro animalibus suis. Quapropter universitati vestre districte precipiendo manda- mus, quatinus nullus de cetero sit tam ausus, qui fratres vel confratres predicte domus sive eorum nuntios super libertatibus antedictis impedire aut molestare presumat. Quod qui presum- pserit, indignationem nostram se noverit incursurum. Datum Tarenti, anno dominice incarnationis millesimo ducentesimo vi- cesimo primo, quarto idus aprelis, indictione nona.