Sanctissimo in Christo patri domino Honorio dei gratia sa- crosancte Romane ecclesie summo pontifici Fredericus eadem gratia Romanorum imperator semper augustus, Hierusalem et Sicilie rex, salutem et reverentiam tam debitam quam devotam. Qualiter nobis pridem euntibus in Lombardiam pro curia cele- branda Cremone specialiter pro negotio terre sancte quidam Lombardi coniurationis illicite, videlicet Mediolani Placentie Laude Vercellis Brixie Mantue Verone Tervisii Padue Vicentie Bononie et Faventie civitatum, et ii qui pro tempore illo, quo apud Mercariam per venerabilem fratrem Portuen. et sancte Rufine episcopum, tunc apostolice sedis legatum, vener. Tyren. et Mediolanen. archiepiscopos et Brixien. et Mantuan. episco- pos et alios quamplures prelatos, Hermannum venerabilem ma- gistrum domus sancte Marie Theutonicorum in Hierusalem et Alatrinum capellanum vestrum concordia inter nos et ipsos fue- rat ordinata et per ipsos unanimiter acceptata, coniuraverint cum eisdem, tam salubri negotio se temere opponentes nobis et im- perio graves intulerint iniurias et enormes, regi filio nostro et principibus aliis ad eandem curiam convocatis nequiter interdi- centes accessum, beatitudinem vestram credimus bene scire. Scit etiam omnium cognitor secretorum, quod postpositis om- nibus ad eius servitium intendentes ad eam appropinquante ter- mino celebrandam iveramus in spiritu dHectionis et gratie circa omnes, nec habebamus animum aliquem offendendi, nec con- ceperamus aliquod odium contra aliquos, propter quod oporte- ret de nobis merito dubitare, licet quidam de partibus illis nos et imperium graviter offendissent, quorum offensas nolebamus taliter vindicare, sicut imperii nostri dignitas exigebat, et osten- debamus etiam in affectu; immo pro reverentia salvatoris, cuius negotium intendebamns efficaciter procurare, volebamus inde

79

benigne agere cum eisdem, et talia facere, que nullatenus fe- cissemus, nisi causa tam sancta, immo sanctissima nos urgeret. Sed statim quod ivimus, pro pace scandalum et pro benignitate malitiam adeo in eis invenimus, quod nec quantum niteremur benigne circa ipsos agere, non potuimus eos ab iniquo propo sito revocare. Sicque factum est, quod eorum nequitia perdu rante tam celebris curia pro re tam digna, immo dignissima constituta debitum non potuit habere processum. In quo quan tum ipse deus, cuius negotium agebatur, graviter sit offensus, quantum honori sancte Romane ecclesie necnon et nostro et imperii fuerit derogatum, vestra sanctitas advertere poterit dili- genter. Sane, beatissime pater, licet potuissemus hactenus et possimus tantas et tales iniurias vindicare, quia tamen nego tium redemptionis, quod nostris duximus humeris applicandum, postponere nolumus nec debemus et ad executionem ipsius ar- deirti desiderio aspiramus, eiusdem insuper sequentes exem- plum, qui mortem pro nobis recipiens temporalem suas susti- nuit iniurias patienter; quia etiam de benignitate vestra plenio- rem fiduciam obtineraus: huiusmodi causam inter nos et Lon- gobardos predictos ordinationi, dispositioni et voluntati vestre ac fratrum vestrorum venerabilium cardinalium duximus libere committendam, scientes nos ratum habituros et firmum, quic- quid providentia vestra decreverit exinde faciendum. Datum As- culi, vigesimo nono augusti, quartedecime indict.