In nomine sancte et individue trinitatis. Fridericus secundus divina favente clementia Romanorum rex et semper augustus et rex Sicilie. Excellentia regalis exposcit, ut sicut ceteris potesta- tis culmine preeminemus ita pietatis studio ceteris preeuntes omnibus prebeamus virtutis exemplum, maxime liberalitatis offi- cium exercendo circa religionis augmentum et cultum divini no- minis ampliandum. Quapropter ad universorum imperii fidelium tam futurorum quam presentium notitiam volumus pervenire, quod nos profectui et augmento hospitalis sancte Marie Teuto- nicorum in Ierusalem eo amplius intendentes quo per ipsum sub cultu religionis et habitu fortius ad liberationem intenditur terre sancte, in qua salvator noster corporaliter mysteria nostre re- demptionis exhibuit, preter humanitatis officia que multipliciter impendunt et pauperibus et infirmis, in subsidium et augmentum domus eiusdem concedimus, ut quicumque aliquid de bonis im- perii possidet nomine feudi, licenter ac libere, quantum voluerit ex iisdem, tanquam proprium memorato conferre valeat hospi- tali, nosque id pro nobis et successoribus nostris in perpetuum ratum habemus et firmum atque irrevocabile volumus permanere. Statuimus igitur et sub obtentu gratie nostre districte precipi- mus, ne quis ipsam domum sub hac nostra concessione mole- stare vel modo quolibet perturbare presumat. Quod qui fecerit, in sue temeritatis vindictam centum libras auri componat, dimi- dium camere nostre et dimidium prelibate domui passe iniuriam et offensam. Ad cuius rei certam evidenciam hoc privilegium conscribi ac maiestatis nostre sigillo iussimus muniri.

Huius rei testes sunt: Sifridus archiepiscopus Moguntinus, apostolice sedis legatus. Theodericus Treverensis archiepiscopus. Hoardus Leodiensis, Otto Herbipolensis, Sifridus Augustensis

15

episcopi. Ulricus sancti Galli, Conradus Laurissensis abbates. Liopoldus Austrie et Stirie, Heinricus Brabancie et Lotharingie, Theobaldus inferioris Lotharingie, Bernhardus Garinthie, Otto Meranie duces. Hermannus marchio de Baden. Fridericus frater eins. Ludewicus comes de Los. Budolfus comes de Habeches- btirc. Hugo comes palatinus de Tuingen. Wilhelmus frater eius comes de Giezen. Heinricus comes de Nassowe. Fridericus comes de Cleberc. Gerhardus comes de Renekke. Ludewicus comes de Cigenhagen. Heinricus comes de Hostaden. Albertus comes de Everstin. Sibertus comes de Werde. Heinricus comes de Geminoponte. Fridericus comes de Liningen. Ulricus comes de Eppan. Hartmannus comes de Dilingen. Dietherus comes de Catzenelenbogen. Heinricus comes de Dietse. Conradus comes Sil- vester. Bupertuscomes Hirsutus. GodefriduscomesdeSpanheim. Heinricus comes de Sarwerden. Heinricus comes de Vianden. Heinricus comes de Salmen. Godefridus de Eppenstein. Hein- ricus de Isenburc. Gerlacus de Butingen. Hartradus de Merem- berc. Wernherus de Bolandia imperialis aule dapifer. Hilde- brandus de Bechberc marscalcus. Waltherus de Schipfe pin- cerna. Ulricus de Mincenberc camerarius, et alii quam plures.

Signum domini Friderici secundi Romanorum regis in-

victissimi et gloriosi regis Sicilie. Ego Conradus Metensis episcopus imperialis aule can- cellarius, vice domini Sifridi Moguntinensis archi- episcopi totius Germanie archicancellarii, recognovi. Acta sunt hec anno incarnationis dominice m.cc.xiiii. , in- dict. n. Anno regni eius secundo in imperio, in Sicilia xvi. Datum in castris prope Iuliacum, non. septembris.