Philippus secundus dei gratia Romanorum rex et semper au- gustus. Regia mansuetudo que licet ubique circa divini cultus incrementum sollicita esse debeat et attenta, curam tamen pro- pensiorem sancte orientalis terre eam gerere nequaquam erit incongruum, et dei illic athletis manum largitatis extendere censetur gloriosum. Eapropter cognoscat fidelium imperii tam presens etas quam successura posteritas, quod nos ad honorem dei et genitricis eius semper virginis Marie nec non pro nostra salute et remedio animarum parentum nostrorum sub omnimo- dam nostre maiestatis tutelam recepimus universas possessiones domus hospitalis Teutonicorum in Ierusalem ubicumque in im- perio Romano constitutas. Ex innata nobis pietate eidem domui et fratribus qui deo illic famulantur concedentes et indulgentes, ut quicunque liber homo aut ministerialis vel cuiuscunque con- ditionis fuerit, aliquid de hiis bonis, que ab imperio tenet, divine remunerationis intuitu eis tradere aut etiam vendere voluerit, plenam de hoc et liberam habeat facultatem, ipsam donationem ratam habentes et regia confirmantes auctoritate. Statuimus igitur et sub interminatione gratie nostre firmiter precipimus, ut nulli unqnam hominum licitum sit, memoratam domum hospitalis in omnibus prediis suis iaia ei collatis vel inantea conferendis molestare seu quidquam dampni aut iniurie ei irrogare. Quod qui facere attemptaverit, in vindictam tante temeritatis auri purissimi libras centum componat, quarum me

8

dietas camere nostre persolvatur et pars reliqua passis iniuriam. Ad cuius rei perpetuam certitudinem hanc divalem paginam ex- inde conscribi iussimus et sigillo nostro communiri.

Testes hii sunt: Conradus Halvirstadensis episcopus. Dide- ricus Mersburgensis episcopus. Didericus Missnensis episcopus. Conradus marchio orientalis. Theodericus marchio Missnensis. Comes Didericus de Grosche. Comes Ulricus de Witin. Comes Fridericus de Brene. Heinricus et Guntherus comites de Swarz- burc. Gerhardus burcgravius de Liznik. Albertus de Drozik. Albertus de Vroburc. Heinricus de Smalinacki. Heinricus came- rarius de Ravinsperc, et alii quam plures.

Datum apud Egram, anno dominice incarnationis millesimo cc.vii., xiii. kal. iunii, indict, vim.