Wir er Iohann van deme Werde ein ritter, Everad van Koveren ein wal geboren knecht unde wir der scholteze, der vait, die scheffene unde die gemeynde zu Oftendinc dun kunt allen den die disen brief siehent ove horent, dat wir samk- liche un eindrechtliche umbe unsen gemeinen nutz han ver

383

kouft un verkoufen in disme geynwurtigeme brieve den geist lichen luden deme . . commendure un den . . bruderen des Dutzschenhuses zu Kovillenzhe alsuch wisenplatz alse wir han in Oftendinger marke gelegen an Seckelburnen wie id gelegen is met widen un met al an irre wiesen. Unde anderwerve alsuch stucke alse Everad van Koveren hatte van der gemeynde, dat gelegen is tuschen den vurgenanten bruderen un des al- den Hartunges wisen un tuschen der Leyen un der Netthen un wi id da gelegen is der gemeynde deyl ses un zwenzich iar die ane gent uf sente Mertins dach der nesthe nu kumen sal, umbe zwelf marc Brabenz die wir entfangen han un in unsen gemein nutz han gekerit. Un vurbaz so hant si uns ge- luwen durch liefnisse acht marc Brabenz die wir ouch ent fangen han van in, di geloven wir in wider ze gevene un si zu bezalne innenwendich zwein iaren, van sente Mertins dage der nu kumen sal uver ein iar vier marc unde aver vurwert van sente Mertins dage uver ein iar die andere vier marc Brabenz, ane allerhande wiedersprache ove hindernisse, un erkiesen dat under deme banne des officialis van Kovillenze wi wir des net endeden; un ouch ove di vurgenanten brudere keinerhande hin dernisse ove rede ane trede, alse van den vurbenanten wiesen ses un zwenzich iar ze besitzene un allen iren nutz da uf zu schaffene, dat wir in deme banne sin ane allerhande gerechte oder widersprechen, un dat si uns alse lange mugen bannen bis dat in vollendayn werde van allen den dingen die hie vur beschriven sint. Zu eime urkunde aller der vurgesprochenre dinge, so han wir den vurgenanten bruderen disen brief be siegelt gegeven un bestediget met des . . officialis van Kovil lenze ingesigels un ouch des kirchherren van Oftendinc , die ire ingesigele an disen brief van unser bede zu einer bestedunge hant gehangen. Un wir der official und der kircherre van Of tendinc vurbenant bekennen dat wir van bede der vurgenanter gemeynde unse ingesiegele an disen brief zu einer bestedunge han gehangen. Diser brief wart gegeven des dynstdages na un ser vrouwen dage dat si wart geboren, van unsers herren ge- burte dusent dru hundert unde dru ende zwenzich iar.