Universis presentes litteras inspecturis nos prepositus, deca- nus totumque capitulum ecclesie Bunnensis notum facimus, quod nos commodo et utilitate ecclesie nostre predicte provida deli- beratione pensata cum.. commendatore et fratribus domus Theutonice in Confluentia proventus seu reditus unius marce qui nobis singulis annis proveniunt seu provenire consueverunt de bonis nostris sitis in Metrico; videlicet una vinea que dicitur Gillenacker quatuor iornales continente, item una particula vinee sita in floro Camerthen, item sex particulis in floro qui dicitur Vrithof, item de quartali ante silvam que Vodenstucke dicitur, item de dimidio iornale apud Parvam Confluentiam, item qua- dam area sita in villa predicta Metrico quam Heylewigis relicta Christiani tenet, item de area ibidem quam tenet Matheus filius Gudenkanppen, item de area quam tenet Hildegundis uxor Ar- noldi dicti Stridegerne, item dimidio iornale sito in Vrithovin qui fuit Theoderici de Ramsbag, permutavimus ita quod predicti fratres predicta bona tamquam suum allodium habebunt et in perpetuum possidebunt et nos reditus unius marce predictos in area quadam seu domistadio et superedificio sito iuxta forum in opido Bunnensi quam inhabitat Iohannes dictus Clingilsporre in perpetuum possidebimus et recipiemus. Et nos tam .. preposi- tus decanus capitulum predicti quam nos.. commendator et fratres domus Theutonice in Confluentia memorati predictum permutationis contractum ratum habebimus nec in aliquo con- traveniemus; renunciantes insuper omni iuris auxilio canonici et civilis per quod hic contractus posset quomodolibet irritari. In quorum omnium testimonium et perpetuam firmitatem nos.. prepositus sigillum nostrum, nos.. decanus et capitulum sigil- lum ecclesie nostre, et nos.. commendator nostrum sigillum appendimus huic scripto. Actum et datum anno domini m.cc.lxx. sexto, feria tercia ante festum penthecostes.