Honorius episcopus, servus servorum dei. Dilectis filiis Her manno magistro hospitalis sancte Marie Alemannorum Ierosoli- mitan. eiusque fratribus tam presentibus quam futuris regula- riter substituendis in perpetuum. Effectum iusta postulantibus indulgere et vigor equitatis et ordo exigit rationis, presertim quando petentium voluntatem et pietas adiuvat et veritas non relinquit. Eapropter dilecti in domino filii vestris iustis postu- lationibus clementer annuimus et prefatum hospitale sancte Marie Alemannorum Ierosolimitan., in quo divino mancipati estis ob sequio, ad exemplar felicis recordationis Celestini et Innocentii, predecessorum nostrorum, romanorum pontificum, sub beati Petri et nostra protectione suscipimus, et presentis scripti pri

27

vilegio communimus. Statuentes ut quascunque possessiones, quecunque bona idem hospitale in presentiarum iuste et cano- nice possidet, aut in futurum concessione pontificum, largitione regum vel principum, oblatione fidelium, seu aliis iustis modis prestante domino poterit adipisci, firma vobis vestrisque suc- cessoribus et illibata permaneant. In quibus hec propriis duxi- mus exprimenda vocabulis: locum ipsum, in quo prefatum hos- pitale situm est, cum omnibus pertinentiis suis; domum, quam habetis Scalone, cum vineis et omnibus pertinentiis suis; et Canci cum omnibus pertinentiis suis; et domos, quas habetis apud Ramas cum omnibus pertinentiis suis; domum, vineas et possessiones, quas habetis apud Iaphac, cum omnibus perti- nentiis suis; domum, quam habetis apud Accon civitatem, cum omnibus pertinentiis suis; et casale de Cafusin; et voltam prope portam sancti Nicholai cum omnibus pertinentiis suis; domum, quam habetis in Tyro, cum omnibus pertinentiis suis; domum, quam habetis apud Cesaream, cum omnibus pertinentiis suis; casale, quod diciturBecal; curiam quam habetis in Cypro, que dicitur sancti Georgii, cum omnibus pertinentiis suis; duas vil- las, quas habetis in Armenia, videlicet Combedefor. et Heyon., cum omnibus pertinentiis suis. Sane novalium vestrorum, que propriis manibus aut sumptibus colitis, sive de nutrimentis ani- malium vestrorum nullus a vobis decimas exigere aut extor- quere presumat. Crisma vero, oleum sanctum, consecrationes altarium seu basilicarum vestrarum, ordinationes clericorum ve- strorum, qui ad sacros ordines fuerint promovendi, et alia ec- clesiastica sacramenta a diocesano episcopo, siquidem catholicus fuerit et gratiam atque communionem apostolice sedis habuerit, vobis gratis et sine pravitate aliqua precipimus exhiberi. Sepul- turam preterea ipsius loci liberam esse decernimus, ut eorum devotioni et extreme voluntati, qui se illic sepeliri deliberave- rint, nisi forsan excommunicati vel interdicti sint, nullus obsi- stat; salva tamen iusticia illarum ecclesiarum, a quibus mor- tuorum corpora assumuntur. Ad hec ordinationem factam in ecclesia vestra iuxta modum Templariorum in clericis et militi- bus et aliis fratribus, et ad exemplum Hospitalariorum in pau- peribus et infirmis, sicut provide facta est et a vobis recepta et hactenus observata, devotioni vestre auctoritate apostolica con- firmamus. Paci quoque et tranquillitati vestre paterna in poste- rum sollicitudine providere volentes, auctoritate apostolica di

28

strictius inhibemus, ne infra clausuras domus vestre ullus rapi- nam seu furtum facere, ignem apponere, sanguinem fundere, hominem temere capere vel interficere, seu violentiam audeat exercere. Preterea libertates et immunitates hospitali vestro con- cessas ratas habemus, et eas futuris temporibus illibatas manere sanctimus. Adicimus insuper, ut quemadmodum domus vestra huiusce vestre institutionis et ordinis fons et origo esse prome- ruit, ita nichilominus omnium locorum, ad eam pertinentium, caput et magistra in perpetuum habeatur. Precipimus etiam, ut, obeunte te, dilecte in domino fili magister, vel tuorum quolibet successorum, nullus eiusdem domus fratribus prepo- natur nisi militaris et religiosa persona, que vestre religionis habitum sit professa, ne�? ab aliis nisi ab omnibus fratribus in- simul vel a saniori eorum parte, qui preponendus fuerit, eliga- tur. Porro nulli ecclesiastice secularive persone infringere vel minuere liceat rationabiles consuetudines ad vestre religionis et officii observantias a magistro et fratribus communiter institu tas. Easdem quoque consuetudines a vobis aliquanto tempore observatas, et scripto firmatas, nisi a magistro, consentiente tamen saniori parte capituli, non liceat immutari. Prohibemus preterea et omnimodis interdicimus, ne ulla ecclesiastica secu- larisve persona a magistro et fratribus eiusdem domus exigere indebite audeat fidelitates, hominia seu iuramenta vel reliquas securitates, que a secularibus frequentantur. Si quando vero loca deserta fuerint eidem domui pia devotione collata, liceat vobis ibidem edificare, villas et ecclesias et cimiteria ad opus hominum ibidem manentium fabricare, ita tamen ut in vicinia illa abbatia vel religiosorum virorum collegium non existat, qui ob hoc valeant perturban. Cum autem terre culte vobis quoli bet iusto titulo conferentur, facultatem et licentiam habeatis, ibidem ad opus transeuntium et eorum tantum qui de mensa vestra fuerint, construendi oratoria et cimiteria faciendi, sine iuris preiudicio alieni. Est enim indecens et periculo proximum animarum, religiosos fratres occasione adeunde ecclesie se vi rorum turbis et mulierum frequentie immiscere. Decernimus ergo, ut nulli omnino hominum liceat prefatum hospitale temere perturbare, aut eius possessiones auferre, vel ablatas retinere, minuere, seu quibuslibet vexationibus fatigare. Sed omnia inte gra conserventur, eorum pro quorum gubernatione ac susten- tatione concessa sunt usibus omnimodis profutura. Salva sedis

29

apostolice auctoritate et diocesani episcopi canonica iusticia. Si qua igitur in futurum ecclesiastica secularisve persona hanc no- stre constitutionis paginam sciens contra eam temere venire temptaverit, secundo terciove commonita, nisi reatum suum congrua satisfactione correxerit, potestatis honorisque sui careat dignitate, reamque se divino iudicio existere de perpetrata ini- quitate cognoscat, et a sanctissimo corpore ac sanguine dei et domini redemptoris nostri Ihesu Christi aliena fiat, atque in extremo examine divine ultioni subiaceat. Cunctis autem eidem loco sua iura servantibus sit pax domini nostri Ihesu Christi, quatinus et hic fructum bone actionis percipiant et apud di- strictum iudicem premia eterna pacis inveniant. Amen. Amen. Amen.

(In forma sigilli:) Sanctus Petrus. Sanctus Paulus. — Ho-

norius pp. m. — Perfice gressus meos in semitis tuis. Bene valete.

Ego Honorius catholice ecclesie episcopus.

Ego Nicholaus Tusculanus episcopus. Ego Guido Prenesti- nus episcopus. Ego Hugo Hostiensis et Velletrensis episcopus. Ego Pelagius Albanensis episcopus.

Ego Centhius tit. sancti Laurentii in lucina presb. card. Ego Leo tit. sancte crucis in lerusalem presb. card. Ego Robertus tit. sancti St. in Celio monte presb. card. Ego Stephanus basilice duodecim apostolorum presb. card. Ego Gregorius tit. sancte Anastasie presb. card. Ego Petrus tit. sancti Laurentii in Damaso presb. card. Ego Thomas tit. sancte Sabine presb. card.

Ego Guido sancti Nicholai in carcere Tulliano diac. card. Ego Octavianus sanctorum Sergii et Bachi diac. card. Ego Io- hannes sanctorum Cosme et Damiani diac. card. Ego Gregorius sancti Theodori diac. card. Cgo Rainerius sancte Marie in cos- midin. diac card. Ego Romanus sancti Angeli diac. card. Ego Stephanus sancti Adriani diac. card.

Datum Rome apud sanctum Petrum, per manum Ranerii prioris sancti Fridiani Lucan., sancte Romane ecclesie vicecan- cellarii. Sexto idus decembr., incarnationis dominice anno m.cc.xvi., indictione v., pontificatus vero domini Honorii pape m. anno primo.