Wir die gemeynde des dorfes zo Ochtendunc bekennen offentlich overmitz disen brief, dat alsulcheu afgayn als wir den Dutschen herren zu Kovelenz af gegangen hayn, beyde an wesen an widen, an welcherkunne ende dat gescheit si binnen der marken zo Ochtendunc und uf der Netten, dat han wir den herren alzomale wider geleent alle iare um nuyn punt wachses: dat wachs sullen sie alle iare unser kirchen- zo Och tendunc richten zo oysteren: und sullen alles des gebruchen na iren willen wat wir in af gegangen hatten als vur gechre- ven steyt. In eyn gezuch des, so han wir gebeden den erberen strengen ritter heren Sifrid Walpode und Tielman kellener zo Moynster mins herren van Triere, dat si ire ingesigele an disen brief hant gehangen. Und wir Sifrid Walpode ritter und

438

Tielman kellener vurgenant bekennen des, dat wir van beden wegen der gemeynden van Ochtendunc unse ingesigele an disen brief han gehangen. Der gegeven wart do man schreif die iair unses herren dusent druhundert und sechszich, des lesten dages in deme merze.