Universis presens scriptum visuris et audituris. Nos Iohan- nes de Insula miles etHerburgis eius uxor notum esse volumus et dinoscere veritatem, quod cum nos manu communicata et unanimi consensu vendiderimus iuste vendicionis titulo pro no- bis et nostris heredibus universis Wetzeloni pistori oppid. Con- fluen. ementi pro se et suis heredibus quandam vineam nostram sitam in pertinenciis predicti oppidi Confluen. in floro qui vul- gariter Virmync nuncupatur, ab omni iure seu census solucione liberam ac a iure feodi penitus absolutam, pro certa pecunie quantitate prout in litteris vendicionis et empcionis super hoc confectis plenius continetur. Ut autem dicto emptori magis cau- tio existat, quod ipsa vinea nemini sit pro pignore obligata et quod ipsam hactenus non possederimus nec habuerimus a quo- quam iure feodali nec alio iure quocunque, promittimus in hiis scriptis predictum emptorem et eius in predicta vinea heredes ab omnibus impugnatoribus et impedimentis in dicta vinea qui- huscunque perpetuo relevare et indempnem penitus conservare. In cuius rei testimonium sigilla honestorum virorum .videlicet Henrici de Leye et Rulandi scabinorum Confluen. apponi ro- gavimus huic scripto. Quod nos scabini predicti fatemur esse verum. Actum et datum in vigilia beati Ambrosii episcopi, anno domini m.ccc. vicesimo primo.