In nomine domini, amen. Magister Everardus scolasticus ecclesie sancti Simeonis Treverensis, officialis venerabilis viri domini Gerardi de Eppinstein archydiaconi in ecclesia Trevirensi. Vacante ecclesia de Herberen, Trevirensis dyocesis archidiaconatus dicti aurei trans Renum, commeudator et fra- tres domus hospitalis sancte Marie Teutunicorum lerosolimitan. in Confluentia, Trev. dioc, asserentes quod ius patronatus in ipsa ecclesia optineret ad eam, fratrem Ottonem, presbite- rum ordinis sui, domine G. de Eppinstein supradicto loci ar chidiacono presentarunt, comes vero de Nassove asserens se ipsius ecclesie patronum, Iohannem dictum de Segeyn clericum dicto domino archidiacono presentavit ad ecclesiam eandem. Die ipsis presentatis ab eodem archidiacono assignata ad pro- ponendum et ostendendum coram ipso vel coram nobis, dic- tisque presentatis coram nobis eadem die personaliter compa- rentibus et recognoscentibus, eandem diem ipsis eo modo fore assignatam, fratre Ottone predicto se ad procedendum super iure suo et faciendum probaciones suas sicut faciendum de iure fuerat offerente, dicto Iohanne asserente quod nichil vellet dicere vel proponere sed adire vellet dictum comitem et cum ipso habere consilium quid sibi foret potius faciendum et sic illicenciato recedente: nos volentes in dicto negocio cum de bita maturitate procedere, dictum Iohannem si crederet sua interesse et omnes qui sua crederent interesse vel ius sibi competere in dicta ecclesia de Herberen, citari fecimus per- emptorie in eadem ecclesia, ut certa die videlicet feria sexta proxima post festum inventionis sancte crucis coram nobis Tre- veri legitime comparerent proposituri et ostensuri de interesse et iure suo super ecclesia antedicta sicut faciendum foret de iure, cum intimacione, quod, sive venirent sive non, nos ni- chilominus precederemus super peticione partis comparentis prout iustitia suaderet. Qua die dicto fratre Ottone persona liter comparente coram nobis, nec dicto Iohanne ne�? quovis alio qui se opponeret eidem vel qui sua interesse diceret com parente, probaciones ipsius fratris Ottonis decrevimus exigente

218

iustitia admittendas et admisimus, (non obstante absencia cuius- cunque) qui coram nobis in modum probacionis instrumenta quedam produxit. Quare nos inspectis ipsis instrumentis et diligenter examinatis, auditis etiam que idem frater proponere voluit, bonorum et iurisperitorum consilio habito nobiscum, etiam habita deliberatione diligenti super eisdem, die ad dif- finiendum assignata videlicet feria sexta post festum sanctorum Primi et Feliciani martyrum, quia ex dictis instrumentis nobis plene constitit et constat, commendatorem et fratres antedictos veros esse patronos ecclesie de Herberen memorate, in dei nomine sentenciando diffinimus et pronunciamus, fratrem Ot- tonem predictum ab eisdem veris patronis ad eandem eccle- siam canonice presentatum ad ipsam ecclesiam lore admitten- dum et ipsum ad eam admittimus, pronunciantes sententialiter, ipsum fratrem fore instituendum in ipsa ecclesia et investien- dum de eadem per dominum nostrum G. de Eppinstein ar- chidiaconum memoratum cum sollempnitatibus debitis et con- suetis; per eandem etiam sentenciam prefato Iohanni de Se- geyn et omnibus aliis super iam dictam ecclesiam perpetuum silentium inponentes. Actum et pronunciatum in capitulo maioris ecclesie Trevirensis, ubi cause tractantur, feria sexta predicta post festum Primi et Feliciani martyrum, anno domini m.cc lxx. sexto.

Presentibus: Domino Arnoldo de Bowilre, canonico dicte maioris ecclesie Trevirensis. Bertoldo de Sothran; Gerardo de Lapide, concanonicis nostris predicte ecclesie sancti Symeonis. Iohanne dicto de sancto Paulino; Iohanne dicto de Luce, monachis sancti Martini Trevirensis. Magistro Nicholao dicto de Aspelt; magistro Iohanne Lumbardo, advocatis curie Trevi rensis. Magistro Iacobo, rectore scolarium dicte ecclesie sancti Symeonis. Domino Godefrido presbitero, capellano nostro. Con rado de Ulmena. Gerardo de Kirs, notario curie Trevirensis, et quam pluribus aliis fide dignis, testibus ad hoc vocatis et rogatis, quorum aliqui sigilla sua huic nostre sententie appo- suerunt una cum nostro sigillo in testimonium veritatis.

Datum feria sexta post [festum] Primi et Feliciani, anno domini prenotato.