Nos R. comes Gelren. notum facimus universis presentes

360

litteras visuris et audituris quod cum inter religiosos viros . . commendatorem et fratres ordinis beate Marie Theutonicorum domus in Confluentia Treveren. dyoc. ex una parte et nos ex altera dubium verteretur super eo quod cum per concessio- nem felicis recordationis . . progenitorum nostrorum ipsis . . fratribus pie sit indultum quod singulis annis per theolonium nostrum Lobedde possint ducere centum vasa vini crementi fratrum eorundem sine solutione theolonei nec sit expressum in litteris huiusmodi indulti quot amas quodlibet vas debeat continere: nos propter deum et salutem anime nostre huius- modi dubium tollere volentes ob favorem quem ad eosdem fratres et eorum ordinem gerimus, considerantes quod olim tempore dicte concessionis consueverint deduci vasa vini mag- na, continentia duodecim amas in quolibet vase et quandoque amplius, et nunc vasa minora minus capientia sunt in usu, interpretamur per presentes quod duodecim ame vini pro quo- libet vase debeant computari, et concedimus eisdem religiosis per presentes, quod decetero in perpetuum singulis annis cen- tum vasa vini crementi sui duodecim amis pro quolibet vase computatis mensure Colonien. deducant per dictum nostrum theoloneum in Lobedde, vel ubicumque ipsum theoloneum poni forte contingat, sine alicuius theolonei solutione. Dantes ipsis religiosis has litteras in testimonium super eo sigilli no- stri appensione communitas. Datum Colonie, crastino beati Marci ewangeliste, anno domini millesimo trecentesimo sep- timodecimo.