lu nomine domini, amen. Universis etc. Quoniam egritu

425

dims vehementia corporalis solet plerumque a rationis usu mentem avertere ut nedum temporalia verum etiam semet ipsam diiudicare non valeat, ideo dum est in corpore quies et in mente sobrietas melius providetur et salubrius disponi- tur ultime iudicium voluntatis. Quapropter ego Arnoldus ple- banus de Unckele, in statu sospitatis constitutus mentis et corporis per dei gratiam, rerum et bonorum dispositionem per presens nuncupatum testamentum sine scriptis condere dispo- sui in hunc modum, et hoc universitatem vestram scire volo et tenore presentium recognosco, quod iam dudum delibera- tione prehabita pro remedio et salute animarum mee et pro- genitorum meorum et omnium benefactorum meorum tam vi- ventium quam mortuorum dedi et donavi et donasse me con fíteor in hiis scriptis et per presens scriptum dono et animo donandi trado pure simpliciter irrevocabiliter et donatione in ter vivos religiosis viris . . commendatori et fratribus domus sancte Marie Teuthonicorum in Bretpach Treviren. dyoc. re- cipientibus suo nomine et domus sue predicte omnia et sin gula bona tam mobilia quam immobilia que in presenti habeo et que legitime acquisiero infuturum ad habendum etc. Salvis conditionibus et pactis subscriptis, que tales sunt: quod ego habebo et tenebo quamdiu vixero liberam amministrationem eorundem bonorum et usufructum in eis pacitice et quiete; et si me contingat ab hac luce seu vita migrare dilecta matre mea superstite et vivente, ipsa in medietate eorundem bono rum habeat usufructum; quem ipsi matri mee extunc ammi- nistrari volo per ipsos . . commendatorem et fratres prout saluti ipsorum viderint expedire; ita quod ipsa mater mea su per ipsis bonis et cultura ipsorum seu amministratione alias non habeat sollicitudinem sive curam, et predicta bona post mortem utriusque nostrum a domo predicta et commendatore et fratribus domus eiusdem absque honere quolibet ususfruc- tus huiusmodi teneant; eo salvo quod memoria mei et pre dicte matris mee habeatur ibidem prout aliorum fratrum et sororum domus eiusdem haberi hactenus consuevit. Quam do- nacionem et omnia et singula suprascripta promitto eisdem. . commendatori et fratribus per sollempnem stipulacionem rata et firma habere etc. nec eandem donacionem ulla ex causis illis, quibus de iure mortis causa donaciones revocari dicuntur seu possunt, seu aliquo iure racione seu causa penitus non

426

obstante perpetue firmam et ratam et omnino irrevocabilem esse volo mando et firmiter repromitto. Et hec donado facta est per me publice et insinuata Unckele coram discretis viris Andrea iudice et scabinis et il 1 is per quos exercetur iurisdic- tio secularis in Unckele, ipsls iudicibus pro tribunali sedenti- bus et auctoritatem prestantibus ad donacionem predictam. Preterea ad munimen robur et perpetuam firmitatem donacio- nis predicte et omnium premissorum presentem donacionem et omnia suprascripta insinuare et publicare decrevi coram vobis reverendis dominis presentibus videlicet Reynhardo pre posito et archidyacono meo ecclesie Bunnensis, Fridericho de Drachinvels thesaurario, . . cantore, . . scolastico, quos domi num prepositum ut in robur et firmitatem suam auctoritatem et decretum interponat donacioni presenti, et nichilominus ipse thesaurarius, . . cantor et scolasticus supradicti sua sigilla ap- ponant presentibus, quibus etiam sigillum meum apposui, duxi humiliter exorandos. Bona autem immobilia ex donatis pre- dictis que nunc habeo sunt hec: pratum et vinee dimidii iu- geris seu iurnalis, in eo contente, sita in terminis ville de Unckele cum pertinentiis ad eadem pratum et iurnalem, sci licet quinque quarte vinearum in Cradenpul, de quibus de- bentur tres ame vini Colon, mensure in vindemiis persolvende cappellano altaris sancte Marie Magdalene in ecclesia sancte Marie ad gradus Colon.; item apud locum qui dicitur Vels quarta una terre vineate, de qua debentur annis singulis quin que sextaria vini seu musti ecclesie sancte Marie ad gradus predicte; item due particule dicte Buckelere particule conti nentes dimidium iurnalem, que sunt allodium; item quinque quarte qui dicuntur particule Leonis, que sunt allodium; item dimidietas que dicitur Werstucke domini de Othginbach , que est allodium; item Syewiz becgina de bonis seu vineis que tenet in Rinbuckele debet michi sex sextaria vini seu musti in vin demiis persolvenda annis singulis imperpetuum; item Conradus dictus Yrlinch debet michi redditus sex sextariorum vini; item de vineis retro Schuren apud Elch debentur sex sextaria vini; item Henricus dictus Gumpilman sex sextaria de arboribus nu- cum sitis apud Paffinwege. Si quidem etiam aliud testamentum seu ultima voluntas a me facta seu dispositio apparebit, illius me penitet et omnia in eo contenta volo esse penitus revocata. Et nos . . commendator et fratres predicti recognoscimus omnia

427

et singula suprascripta sic esse et confitemur et vera, et eadem observanda nos tenore presentium firmiter obligamus. Nos eti- am predictus prepositus et archidyaconus recognoscimus pre- dictam donacionem coram nobis factam et insinuatam ut superius est expressum et eidem donationi nostram auctoritatem interpo- nimus et decretum in robur et firmitatem perpetuam donacionis eiusdem. In testimonium itaque omnium premissorum nos pre- dicti prepositus et archidyaconus, thesaurarius, cantor et sco- lasticus ad preces scilicet predictarum partium videlicet . . commendatoris et fratrum ex una parte et mei predicti Arnoldi ex altera una cum sigillis nostris presentibus sunt appensa. Actum Bunne, vi. idus decembres, anno domini millesimo ducentesimo nonagesimo. Presentibus testibus ad hoc vocatis