. . Abbas monasterii beati Martini Trevirensis, conservator privilegiorum . . preceptoris et fratrum hospîtalis beate Marie Theutonicorum per Alemanniam, subdelegatus a venerabili viro domino Petro dei gracia Maguntinensis ecclesie preposito, con- servatore dictorum privilegiorum eisdem a sede apostolica depu- tato, discreto viro . . archipresbitero ecclesie Werdensis, Colo niensis dyoc., seu eius vices gerenti salutem in domino. Ex parte religiosorum virorum .. commendatorum et fratrum do- morum de Confluentia Trevirensis et de Ramersdorp Coloniensis dyocesum hospitalis predicti nobis est graviter conquerendo monstratum, quod Godefridus dictus de Vrisseim et Winandus clericus dictus de Lunenburg manentes in castro Werdensi a dictis religiosis de vino ipsorum et quibusdam rebus aliis suis apud dictum castrum Werdense per suam non modicam iuris iniuriam extorserunt contra indulta privilegiorum eisdem a dicta sede indultorum in dictorum religiosorum preiudicium non mo dicum et gravamen; quodque hoc adeo manifestum est et no- torium quod nulla potest tergiversatione celari. Quocirca auc toritate apostolica qua fungimur in hac parte vobis in virtute sancte obedientie et sub pena suspensionis, quam trium dierum monitione premissa in hiis scriptis in vos ferimus, si in presentis mandati executione negligentes fueritis vel remissi, precipiendo

213

mandamus quatinus predictos Godefridum et Winandum rite vestra moneatis si ipsorum copiam habere poteritis, alioquin palam et publice in ecclesia Werdensi et ante dictum castrum in presentia bonorum et ad hoc a. vobis specialiter vocatorum ut infra quindecim dies post dictam monitionem vestram de hiis que occasione dicti thelonii a dictis religiosis receperuut, eis cum satisfactione condigna satisfaciant competenter; alioquin citetis eosdem peremptorie ut termino sive die competent i vo bis a latore presencium nominauda sive requirenda Treveri contra dictos religiosos compareant coram nobis dicturi et os- tensuri causam legitimam si quam habent quare monitioni pre- dicte parere minime teneantur. Cum intimatione quod sive ad dictam diem venerint sive non, nos nichilominus super premissis et contra ipsos procederemus in quantum iustitia suadebit. Red- dite litteras et quid inde feceritis ac diem ad quam ipsos cita- veritis nobis per vestras patentes litteras presentibus annecten-

das fideliter rescribatis sub pena suspensionis predicts.

Datum anno domini millesimo cc.lxx. quinto, feria quarta post festum omnium sanctorum.

245 Th. abt von Rommersdorf und das dortige kapitel verkaufen dem deutschen haus zu Coblenz ihren am С ruden weg in der nähe von Vallendar gelegenen weinberg. 1275.

Universis Christi fidelibus tenorem presentium visuris et audituris nos Th. dei paciencia abbas totusque conventus ecclesie beate Marie virginis in Romerstorph, ordinis Premonstratensis, Treveren. dioc, notum facimus fideliter protestantes, quod nos unanimi consilio vendidimus viris religiosis fratribus de domo Theutonica in Confluentia, cum consensu et bona voluntate so- roris nostre Gunderadis de Valindra, vineam nostram sitam iuxta Crudenwege in territorio Valindrensi, que quondam fuit sanctimonialium in Wulfersberg, pro quindecim marcis usualis monete, nobis ex integro assignatis, quas in usus ecclesie no stre convertimus oportunos; et renunciamus omni iuri quod habuimus vel habere potuimus in vinea memorata, exceptioni non numerate pecunie, impetitioni indebiti et omni iuris auxilio, quod nobis super eisdem bonis contra predictos fratres posset quomodolibet suffragan. In cuius rei firmamentum presentem scedulam sepefatis fratribus tradidimus, sigillorum nostrorum munimine roboratam. Datum anno domini ju.cc.lxx. quinto.

214