Henricus dei gracia abbas totusque conventus monasterii sancte Marie in lacu ordinis sancti Benedicti. Notum esse cupi- mus universis presentis instrumenti seriem inspecturis, quod ecclesia nostra magno onere debitorum pregravata, cum non habeat mobilia de quibus debita solvere possit vel creditoribus satisfacere competenter, de consensu et permissione venerabilis patris Arnoldi Trevirensis archiepiscopi, qui debitum et neces- sitatem ecclesie nostre considerans valorem rerum diligenter estimari fecit, viris religiosis commendatori et fratribus domus sancte Marie Teuthonicorum in Confluentia curtim nostram in Calthe cum omnibus fructibus eius, terris cultis et incultis, pascuis, pratis, usuagiis, prout ecclesia nostra possidet, vendi- dimus et vacuam ab omni onere ipsis titulo emptionis perpetuo tradidimus possidendam pro pretio septuaginta duarum marca- rnm Coloniensis monete, qualibet marca pro duodecim solidis computata. Renunciantes omni actioni et exceptioni de beneficio restitutionis in integrum et omni beneficio iuris tam canonici quam civilis, si quod nobis competere posset, quominus dicti fratres eandem curtim possidere possint aut libere retinere. Ca- vemus etiam de evictione promittentes sub ypotheca rerum alia- rum ecclesie nostre in Winningen, quod eos conservabimus indemnes a quocunque volente eis occasione huius venditionis movere questionem. Confitemur etiam, precium in utilitatem ecclesie esse receptum et conversum. In cuius rei testimonium et robur perpetue firmitatis presens instrumentum sigillis vene rabilis patris Trevirensis archiepiscopi dyocesani nostri necnon

128

et nostris abbatis videlicet et capituli fecimus communiri. Da- tum Confluentie, anno domini millesimo ducentesimo quadra- gesimo septimo.