OLXXX1II.

1292, 27. März.

Andreas Dei gratia Hungarie, Bulgarieque rex, omnibus Christi fidelibus presens scriptum inspecturis salutem in omnium salvatore. Ad universorum tam presentium,quam futurorum notitiam harum serie volnmus pervenire. Quod comes Dyonisius, filius Dionisii palatini ad nostram accedens presentiam exhibuit nobis patentes literas nostras super collatione cuiusdam possessionis castri Szonuk, Lapus vocate confectas, petens a nobis cum instantia, ut easdem ratas habere, et nostro privilegio confirmare dignaremur. Quarum tenor talis et: (siehe ürk. vom 11. März 129l, Nr. CLXVIII).

Nos igitur considerantes fidelitates, et gratuita ac obsequiosa servitia dicti comitis Dyonisii fidelis nostri, que idem nobis divino munere in regni solium et gubernaculum succedentibus jure et ordino geniture, in omnibus expeditionibus regni nostri tam generalibus, quam particularibus cum supremo opore virtutum exhibuit indefesse, et maxime accedentes specialia servitia ejusdem comitis Dionisii, que in exercitu nostro, quem contra dominum Albertum ducem Austrie, et Styrie tunc temporis nostrum et regni nostri capitalem hostem et inimicum pro pulsandis injuriis, per ipsum ducem regno nostro illatis moveramus, cum effusione sui sangvinis, etsuorum non formidans, se, et sua casibus submittere fortune exhibuit fideliter, et devote. Licet idem comes Dyonisius pro tot et tantis servitiis suis majori remune- ratione, de regia majestate fuisset confovendus in recompensationem servitiorum ejusdem aliqualem, petitionibus inclinati regio cum favore predictas patentes literas nostras advertentes esse non abrasas, non cancellatas, nec in aliqua sui parte viciatas, ratas habentes, et accep- tatas, de verbo ad verbum presentibus insertas, patrocinio nostri privilegii duximus confirmandas. In cujus rei memoriam perpetuamque firmitatem presentes concessimus literas duplicis sigilli nostri muni- mine roboratas. Datum per manus discreti viri Theodori Albensis ecclesie prepositi. Aule nostre cancellarii dilecti, et fidelis nostri. Anno domini MCCXCII sexto calendas Aprilis. indictione V*, regni autem nostri anno secundo.

12«

180