C. In nomine sancte et individue trinitatis. Chunradus dei gratia Pataviensis episcopus omnibus fidelibus salutem in perpetuum. Ordo officii nostri nos ammonet et hortatur relligiosos^a viros diligere honorare et de facultatibus nostris tam ecclesiasticis quam mundanis inopiam eorum redimere et sublevare. Scimus enim procul dubio quod participes erimus laboris illorum et orationum si propter deum illis egentibus porrexerimus manus consolationum. Inde est quod nos inducti precibus dilecti fratris nostri Oˇdalrici prepositi Sancti Ypoliti et fratrum suorum ecclesiam quandam plebesanam nostri iuris in villa Askerichesprukke eidem ecclesie Sancti Ypoliti ad usus fratrum et ad supplementum prebende eorum tradidimus, eo tenore ut memoria nostri iugiter in orationibus eorum habeatur et servitus Christi in eodem loco magis magisque exinde accrescat et adaugeatur. Statuentes ut nulli successorum nostrorum liceat hanc tradicionem immutare transfundere infirmare aut aliqua de causa vel occasione inventa ab ecclesia illa cui pretaxatam plebesanam ecclesiam contulimus alienare. Quod ergo factum nostrum ratum et incon vulsum in perpetuum permaneat presentis pagine scripto confirmamus et inpressione sigilli nostri roboramus. Hec acta sunt anno ab incarnatione domini nostri Jesu Christi millesimo centesimo quinquagesimo nono, indictione octava, XVII. kal. Januarii. Huius rei isti sunt testes conscripti.||
+ Ego Chunradus Pataviensis episcopus subscribo.||
Ego Azelinus abbas de Cella Sancte Marie subscribo.||
Ego Ru^odbertus prepositus Monasteriensis subscribo.||
Ego Ou^odalricus prepositus de Ardech subscribo.||
Ego Otto notarius subscribo.||
Ego Gerhardus domini pape capellanus subscribo.

Source Fulltext: LAMPEL, Urkunden Sanct Pölten (=FRA I, Wien 1981) S. 11