Nos Hainricus dei gratia ecclesie sancti Ypoliti prepositus et conventus notum facimus universis hanc litteram inspecturis, quod, cum inter nos et dominum Ekhardum militem dictum de Pernhartsdorf super quibusdam decimis, videlicet XIII domibus decimalibus in Pernhartsdorf et super quadam curia ibidem sita et unius libre redditibus ibidem, que omnia idem dominus E.^a sibi esse^b obligata pro XX libris ab ecclesia sancti Ypoliti fatebatur, questio diu et contencio verteretur, tandem presente et consenciente inmo etiam ordinante reverendo in Christo patre et domino P. venerabili ecclesie Pataviensis episcopo, cuius sigillo presens est littera sigillata, in viros venerabiles, videlicet dominum abbatem de Sitasteten et magistrum Wernh. decanum Pataviensem sub pena XX librarum domino episcopo solvendarum ab utraque parte extitit compromissum, qui videlicet de ipsius et nostra spontanea voluntate taliter ordinarunt, quod dictus dominus E. renunciavit omni iuri quod in dictis habere decimis^c videbatur, et nos sibi dabimus V libras in festo beati Andree apostoli^d venturo proxime. Item de curia in Pernhartsdorf ordinarunt, quod nos eam locavimus filio dicti domini E., Wernhardo, ita‚ quod ad ea servicia, ad que ibidem tenetur, quisque colonus ecclesie teneatur. Item de redditibus unius libre ordinarunt, quod dictus W. solvat^e ecclesie sancti Ypoliti^f annis singulis nomine iuris civilis VI denarios de redditibus memoratis, sicut ante arbitrium facere consuevit. In cuius rei testimonium presentem literam sigillorum nostrorum munimine roboramus.^g Actum et datum in Sancto Ypolito anno domini MCCLXVII.^h

Source Fulltext: LAMPEL, Urkunden Sanct Pölten (=FRA I, Wien 1981) S. 114