Cum omne verbum teste verbo veritatis stet in ore duorum vel trium^a et nullum verbum memoria et stabili perpetuitate dignum queat stare firmius quam verbo literarum, testimonio virorum fide dignorum et appensione autentica sigillorum, nos Eberhardus die gracia prepositus ecclesie sancti Ypoliti totusque conventus ibidem graciosam et commendabilem donacionem quam dominus Otto plebanus venerabilis^b specialissimus amicus noster de Chapella^c pro suo memoriali perpetuo et ob spem retribucionis eterne donavit et^d dedit ac tradidit nobis et ecclesie,^e plena aprobacione et leto animo suscipimus^f et tenore presencium confirmamus et in omnem eventum volumus tam a nobis quam a nostris successoribus inviolabiliter et perpetualiter observari. Et ecce hec est donacio: Postquam prefatus Otto^g venerabilis^h plebanus videret etⁱ de sua gratiosa pietate consideraret^j defectum dominorum et fratrum nostrorum deo serviencium, redditus^k IIII librarum denariorum wiennensium, videlicet in Stranzendorf duarum librarum redditus, item in Vels XV solidorum redditus et apud Sanctum Ypolitum in Stanigenstorf XXX denarios, quos omnes redditus pro XXXIII talentis comparavit^l a nobis accedente reverendi in Christo patris et domini nostri Wernhardi venerabilis ecclesie Pataviensis episcopi licencia et consensu, et postmodum eosdem redditus nobis restituit et donavit possidendos perpetuo tali modo, quod tres libre denariorum eorundem in diebus ieiuniorum., quibus non est actenus oleum nobis datum, nobis exnunc et deinceps pro oleo tantum dominis et fratribus et sororibus et domino Berchtoldo^m sacerdotiⁿ de nostra parrochia ministrentur per dispensatorem ecclesie generalem, provide adicientes‚^o quod ipsa cibaria que oleo condiri debent cum tali diligencia preparentur, ne perdantur^p oleum et expense.^q Quarta vero libra que recipi debet de illis quindecim solidis in Velz, debet esse in potestate oblaiarii; qui quidem oblaiarius in anniversario reverendi in Christo patris domini nostri Eberhardi prepositi nunc viventis post ipsius decessum, sive decedat in prelatura sive decedat veluti frater simplex, tum semper dictam libram pro pitancia et consolacione fratrum expendet. Sed ipsam libram ipso domino Eberhardo preposito vivente in anniversario domini Ottonis celerarii pie memorie ministrabit. Quicumque ergo hanc commendabilem ac graciosam donacionem et consolacionem minuere vel subripere vel in alios usus mutare presumpserit‚ indignacionem dei omnipotentis et sanctorum martirum beati Stephani et Ypoliti ac beatissimi patris nostri Augustini incurrat et super ipsum vel ipsos cadat perpetuum et irrevocabile anathema; amen. Actum et datum in Sancto Ypolito, anno domini MCCLXXXVI in die sancti Floriani; feliciter.

Source Fulltext: LAMPEL, Urkunden Sanct Pölten (=FRA I, Wien 1981) S. 158-160