In nomine domini amen. Celestis censentis prudentie alumnus est^a et filius qui maturo sospitatis sue tempore, ob futuri respectum premii, testamentum ordinat catholicum sagaciter et disponit utque perhennem nanciscatur^b memoriam, roborat^c provide testimonio litterarum. Ego igitur Bernhardus cappellanus hospitalis in Prugkha ad universorum noticiam pervenire desidero quos presens scriptum nosse fuerit opportunum, quod providere cupiens mee saluti anime benefactorum quoque meorum animarum et progenitorum partier consideransque signa bona que^d a Christi fidelibus pro dei nominee et eius amore donantur seu largiuntur piis locis, quod ea in futuro cum fructu restituuntur inestimabili et conferto, redditus unius libre denariorum wiennensium apud civem Prugkhensem filium Liebmanni super uno dimidio laneo sito in Leutweins emptione com paravi, quod perpetuo remedio ac memorabili anime mee, anime domini mei Philippi pie memorie quondam plebani in Trautmans darf ac animarum Wernhardi et Alhaidis uxoris sue progenitorum meorum donavi‚ tradidi ac nomine testamentario legavi plebano ecclesie parrochialis in Prukha pure et libere propter dominum, tali nichilominus conditione adiecta: primo quod annuatim in crastino beate Agnetis peragi debeat in Prukha a plebano, qui pro tunc fuerit, de predictis redditibus aniversarius^e ob remedium animarum predictarum, hoc modo quod in sero vigilie mortuorum cum nota et mane predicte diei missa defunctorum solenniter decantetur et eandem missam nomine oblationis^f secundum terre laudabilem consuetudinem quattuor panes valentes 24 denarios usuales, una urna vini valens 32 denarios‚ venter vitulinus valens 46 denarios similiter usuales libatorie deferantur; hec predicta in sua bonitate magnitudine vel par vitate^g secundum cursum temporum estimata debite comparentur. Item ordino et dispono, quod ad eandem missam triginta denarii^h pro missis comparandis et offertorio inter circumstantes dividantur. Etiam una libra cere pro candelis ad easdem exequias pro viginti denarios comparetur. Etiam volo et ordino, quod eadem die ipsi plebano cedant 24 denarii^h pro remedio, duobus sociis duodecim denarii,^h cappellano hospitalis sex denarii, scolastico sex denarii, scholaribus 6 denarii pro vino, campanatori 4 denarii, ad hospitale pauperibus pro carnibus triginta denarii, omnes usualis monete, pro animarum dictarum remedio largiantur. Si vero plebanus in Prukha, qui pro tunc esset, hec, que aⁱ me supra ordinata et disposita sunt, nullo modo vel negligenter adimpleret,^j quod absit, et postea per rectorem hospitalis in Prukha infra duorum mensium spatium cum bono testimonio ter monitus predicta non exequerentur sufficienter, ex tunc predicti redditus nomine legati donati seu ultime mee voluntatis ad hospitale in Prukha et pauperes Christi ibidem degentes sine omni longa mora^k et iuris vel facti exceptionibus devolvantur^l sub omnibus tunc conditionibus et modis servandis, que in personam plebani in Prukha sunt cautius supra scripta. Et ut memoria omnium prescriptorum firmior et certior tam^m apud plebanum in Prukha et eius ecclesiam quam apud hospitale et eius rectorem perpetuo habeatur, volo et ordino, ut hec litera testamentaria duplicetur et una apud plebanum in Prugkha et alia quidem apud rectorem hospitalis deponatur perpetuo reservanda. Ut autem hec mea ordinatio seu dispositio perpetuum teneat robur firmitatis, volui hanc literam sigillis honorabilium virorum subscriptorum diligentius roborari, videlicet domini prepositi Sancti Ypoliti et patroni supradicte ecclesie et domini Pilgrini de Praunstarf officialis Pataviensis ecclesię venerabilis et domini Ottonis decani et plebani in Prukha et domini Friderici plebani in Trautmanstarf et domini Eberhardi plebani in Vischamunde. Acta autem et scripta sunt hec anno domini 1331, in die sancte Agnetis virginis gloriose.

Source Fulltext: LAMPEL, Urkunden Sanct Pölten (=FRA I, Wien 1981) S. 295-296