Ich Michel Wolfharcz sun ze Grueb vergich offenbar an disem brief allen den die disen brief^a lesen, sehent^b oder horent lesen, di nu lebent und hernach chunftig^c werdent, das ich mit gesampter hant und mit rat und willen und guenst aller meiner freunt han ze chaufen geben Hainr. dem Mendlein zu Chigling ainlef phenning gelts und ein vassang hüen, und leit der dienst auf einem^d acher^e in dem^f Char, und hat den acher inn^g Seyfrid Chunr. sun an den Ort zu Ressinc^h Nu hat der egenant Hainr. den dienst verchert, das man furbas ewichlichen sol dienen von dem egenanten achker der egenant Chunr. oder were den achker inn hat, an unser frawn tag zue^f der liechtmeß drei vierdungⁱ wachse hinz unser frawn hinz Chaczenperg zu einer wandlung cherzen ewichlichen. Ez sol auch den egenanten dienst inn haben und vessen wer pharrer ist ze Chappel und sol der gult^j stifter und stewrer sein ewichlich. Und sind der sach zeugen: Dietmar der Muestiner, Gerung von Nyder Muesting der mair von Mautterhaim,^k2 Walther von Chappellc und ander piderb leut genueg. Und das dise redde stet und unzebrochen beleib, daruber gib ich egenanter Michel disen brief versigilt mit herrn Hainrich insigil von Prukch zu den zeiten pharrer ze Chappell und mit her Eberharcz insigil zu Chaczenberg,^l3 wan ich selb nicht in sigil enhan. Und ist das geschehen do man von Christi gepurde zalt dreuzehenhundert jar und darnach in dem dreu und vierzigistem jar, an sand Gorgen tag.

Source Fulltext: LAMPEL, Urkunden Sanct Pölten (=FRA I, Wien 1981) S. 351-352