Ich Goetfrid der Sebekch und ich Chunigunt sein hausvrowe und all unser eriben wi^er verjehen und tuen chunt allen den di disen brief lesent oder hoernt lesen, di nu lebent und hernach chuenftig sind, das wier mit verdachtem muet, mit gesambter hant und mit zeitigem rat, ze der zeit do wi^er ez wol getuen mochten, recht und redlichen haben verchauft und gegeben dem gotzhaus ze Sand Poelten, den erbern herren hern Otten von Hagnaw Chorherren und der sammung gemain, probst Dyetmaren, techent Bernharten ze den Zeiten desselben gotzhaus zu einer ewigen mezze unsers rechten aigen acht phunt wienner phenning geltes und fumfzig phenning geltes, das maistail unser rechtes aigen choufguet ist gewesen, und ligent auf vier lehen zu Ayhenschaid, da von man dient vierdhalb phunt phenning an^a dreizzig phenning an sand Michels tag und an sand Goerigen tag, und auf einem lehen in dem Erlæch,^b das da leit in dem Chienwazzer, da von man dient sibenzig phenning an sand Michels tag und vier phenning fuer zwai herbst huenr und zehen phenning fuer ein gans und fuer einen metzen habern und acht phenning fuer zwai vaschang huenr und ein halbs phunt phenning^c fuer zwelif ches, di man dient ze weinachten, ze ostern und ze phfingsten, di selben lehen ligent in der pharr datz Inderchasten; und auf zwain lehen datz Ratenpuechen, da von man dient alle jar sechs schilling phenning an sand Michels tag, fuemf schilling ze vaschang und fuemf schilling an sand Goerigen tag, und auf einem lehen datz Herweiges oed, da von man dient ain phunt phenning an sand Michels tag und an sand Goerigen tag, di selben lehen ligent in Sand Christoffen pharr; und auf ainem lehen, das do leit in der pharr ze^d Pehemchirichen, da von man dient sibenzig phenning an sand Michels tag und acht phenning fuer vier herbst huenr und zechen phenning fuer^e ein gans und einen metzen habern und acht phenning fuer zwaie vaschang huenr, dasselb lehen haizzt in dem Grewt;^f und ein halbes phunt phenning fuer zwelif ches di man dient ze weinachten, ze ostern und ze phingsten von dem selben lehen; und auf allem dem daz zu den vorgenanten gueten gehoert, ez sei ze dorfe ze velde oder ze holz versuecht und unversuecht, wie das genant ist, mit allem dem nuetz und rechten als sew unser vordern und auch wier in rechter aigens gewer haben herpracht, umb hundert phunt und drew und dreizzig phunt wienner phenning, der wi^er recht und redlichen verricht und gewert sein. Di selben guelt schol man in dienen mit allen den rechten^g als aiegens und des landes recht ist ze O^esterreich. Sew schullen auch einen vogt nemmen u^eber das vorgenant guet^h nach ierm willen, als in aller pest fueg; und mit der guelt schullen sew mit unserm guetem willen und gunst allen iern frumen schaffen wie sew wellen an allen ierrsal und an allen chrieg. Und durich pezzer sicher hait willen so setz wier uns ich vorgenanter Goetfrid, ich Nicla, ich U^elreich, ich Jans wi^er prueder di Sebekchen mit sampt unsern eriben unverschaidenleichen dem egenanten gotzhaus zu Sand Poelten und seinem convent gemain ueber das vorgenant guet zu rechtem gewern und scherm fuer alle ansprach, als aigens und des landes recht ist zu Oesterich.ⁱ Und was in furbas daran ab get, des si mit recht schaden nëmen, wie daz genant ist, das schullen si haben auf unsern trewn und auf allem unserm guet das wier haben in Oesterrich, wi^er sein lebentig oder tode. Und daz disew wandlung fuerbas also stet und unzebrochen beleib, so geben wier, ich Goetfrid und mein prueder Nicla, U^elreich und Jans di Sebekchen in daru^eber disen brief zu einem offen und waren uerchuend und zu einer ewigen vestenung dieser sache versigelten und besteten^j mit unsern insigeln und mit der erbern hern insigeln hern Otten von Willdek, hern Cholmans von Ramsenpach¹ und hern Herliebs von Puerkchstal und Jansen des Totzenpekchen,² di diser sache gezeug sind mit iern, anhangunden insigeln. Und sind auch gezeug ander erber leut genueg, den disew sache wol chunt ist. Der brief ist geben nach Christes gepu^erd dreuzehen hundert jar in dem drew und vierzigistem jar, an sand Marein Magdalen tag.

Source Fulltext: LAMPEL, Urkunden Sanct Pölten (=FRA I, Wien 1981) S. 352-354