Wier Albrecht von gotes genaden herzog ze Oestereich, ze Steyer und ze Kernden tuen chunt, das di erberen und geistleichen Dietmar der probst und di chorherren von^a Sand Poelten fuer uns prachten ainen prief den si heten^b von dem alten Leutolden von Chuenring und von grefinn Agnesen seiner hausfrowen sælig umb di taiding zwischen in und dem selben Chunringer von der vogtai wegen ains hofs, dreir lechen und ainer hofstat ze Jeuching in der Wochawe, di auf das goczhaus gen Sand Poelten gehoerent und paten, seind diselben vogtai an uns gevallen wær und Jans und Leutold des egenanten von Chuenring suen di selben^c taiding bestætt hieten, das wier ez auch da pei beleiben liezzen und in di obgenanten hantvest stæt hielten, di von wort ze wort also her nachgeschriben stet¹ . . . . . Da von haben wier obgenanter herzog Albrecht an gesehen des egenanten probsts und seiner chorhern andæchtig pet und begierd und haben in di selb hantvest bestætt und wellen, das ez da pei beleib mit uerchuend dicz priefs, der gegeben ist ze Wienn, am sampstag vor dem sunntag sod man singt oculi‚ nach Christi gepu^erd dreuzehen hundert jar darnach in dem siben und fuemfzigistem jar.²

Source Fulltext: LAMPEL, Urkunden Sanct Pölten (=FRA I, Wien 1981) S. 470-471