Noverint universi et maxime quorum interest seu intererit in futurum, quod nos Conradus dei gracia abbas^a totusque conventus monasterii in Tegernse Frisingensis diocesis de consensu unanimi et capitulari in capitulo nostre ecclesie more solito ad hoc congregati fecimus constituimus et ordinavimus in hiis scriptis nostros et ecclesie nostre veros et legittimos procuratores actores factores sindicos et nuncios speciales sew quidquid melius dici possunt discretos viros fratrem Chunradum decanum dictum Eglinger fratrem Pilgrinum dictum Chemnater et fratrem Ottonem dictum Rainer monachos et professos monasterii nostri presentes et mandatum sponte suscipientes et quemlibet eorum in solidum, ita quod non sit melior condicio occupantis, sed quod eorum incipit alter alter^b ipsorum^c prose qui valeat et finire, in causa sew causis quam vel quas prepositus et conventus Sancti Floriani et prepositus et conventus Sancti Ypoliti Pataviensis diocesis nobis et ecclesie nostre movent et movere intendunt super decimis prediorum nostrorum et ecclesie nostre in Jewhing et in der Wochaw sew alias in loco quocunque sitis coram quocunque iudice sive iudicibus ordinariis delegatis aut subdelegatis, dantes eisdem procuratoribus nostris et eorum cuilibet in solidum plenum liberum generale et speciale mandatum cum plena libera generali et speciali potestate et^d aministracione nostro nomine^e et omnium nostrum ac supradicti monasterii nostri communiter et divisim in iam dicta causa agendi defendendi, libellum sive libellos et quascumque peticiones alias dandi et recipiendi, excipiendi, dilationes petendi, replicandi, litem contestandi et de calumpnia et veritate^f dicenda et cuiuslibet alterius generis iuramentum in animis nostris et singulorum de conventu nostro prestandi, testes instrumenta litteras et alias probaciones quascumque producendi, ponendi articulandi, posicionibus et articulis partis adverse respondendi, crimina et defectus opponendi, testes adverse partis iurare videndi, in ipsos et in eorum dicta dicendi, exceptiones cuiuscunque generis proponendi, sentenciam sew sentencias interlocutorias et diffinitivas audiendi, appellandi, appellationes petendi, innovandi et notificandi, appellacionem sew appellaciones prosequendi, beneficium restitucionis in integrum et^g absolucionis simpliciter et ad cautelam tociens quociens opus fuerit petendi et obtinendi, componendi et paciscendi, transigendi et compromittendi, iudicem sew iudices eligendi et eum vel eos accusandi prout ordo iuris exquirit, unum vel plures procuratorem vel procuratores loco eorum vel alterius substituendi ipsos que aut eorum alterum revocandi et procurationem ipsam in se ipsos et eorum alterum resumendi, quociens eis vel eorum alteri videbitur expedire, et generaliter omnia alia et singula faciendi gerendi et exercendi que in premissis, circa premissa et premissorum quodlibet fuerint oportuna sew necessaria, eciam si mandatum exigant quantumcunque speciale,^h et que veri et legittimi procuratores seu sindici ab homine vel a lege constituti facere possunt et debent et que met faceremus, si personaliter interessemus, etiam si maiora sint hiis que in presenti mandato continentur; promittentes nos nostrob nomine et ecclesie nostre antedicte gratum et ratum habituros quidquid per eos vel eorum alterum substitutum vel substitutos ab eis vel eorum altero nomine nostro et ecclesie nostre actum factum gestum aut ordinatum fuerit in premissis, circa premissa sew premissorum quodlibet; ipsosque procuratores nostros et quemlibet eorum substitutos aut substitutum ab eis sew altero eorum ab onere satisdacionis relevamus; obligantes nos per presentes omnibus quorum interest pro nostris procuratoribus et eorum quolibet necnon pro substitutis sew substituto ab eis vel eorum altero iudicio sisti et iudicatum solvi cum omnibus clausulis suis sub yppoteka rerum nostrarum et ecclesie nostre et pro omnibus et singulis contentis in clausula de iudicato solvendo et in aliis clausulis huic coherentibus, constituimus nos pro nostris procuratoribus et quolibet eorum et substitutis ab ipsis vel eorum altero legittimos fideiussores sub yppoteka et obligacione omnium bonorum nostrorum et ecclesie nostre mobilium et immobilium. In cuius rei testimonium presentes conscribi fecimus sigillorum nostrorum videlicet abbatis et conventus predictorum munimine roborandos. Datum et actum in Tegernse, anno domini millesimo trecentesimo quinquagesimo septimo in crastino beati Thome apostoli, presentibus religiosis et discretis viris domino Alberto dicto Herinch professo monasterii in Pewrn, Vlrico dicto Stochel, Ulrico dicto Spacer, Jacobo granatore et aliis fide dignis pro testibus ad premissa vocatis specialiter et rogatis.

Source Fulltext: LAMPEL, Urkunden Sanct Pölten (=FRA I, Wien 1981) S. 482-484