Ich Perichtolt der richter ze Sand Po^elten vergich und tuen chunt offenlich mit disem brief, das den erbern und geistleichen herrn . . dem probst und dem convent des gotzhauses ze Sand Poelten vor mi^er mit vrag und mit uertail rechtlich und ledichlich vervallen ist das haus gelegen an dem milichmarkcht daz weilnt . . der Neunsteterin gewesen ist, fuer den versezzen dienst den man in davon scholt gedient und geben haben. Des gib ich in ze u^erchund disen brief versigelt mit meinem anhangunden insigel; und sind des auch gezeueg: her Fridreich von Rëna meins hern des pischofs ambptman und Peter der Wu^erffel purger ze Sand Po^elten di auch disen brief mit iern insigeln versigelt habent. Der brief ist geben an des heiligen chreuzs tag ze mai^en, nach Christes gepu^erd dreuzehen hundert jar darnach in dem sechzigistem jare.

Source Fulltext: LAMPEL, Urkunden Sanct Pölten (=FRA I, Wien 1981) S. 502-503