Wier Chu^onrat von goetes genaden abt ze Tegernse und aller convent da selben bechennen oeffenleich mit disem brief und tuen chunt allen den die in sechent hoerent oeder lesent, das wier gemain leichen nach guetem rat und mit aigem willen u^eber ainchoemen sein, ob ez dar chæm, daz die gestleichen^a herren der brobst von Sand Polten und auch der von Sand Florian die zwen oeder ier iegleicher besuender minn und^b vrewntschaft suechen oeder haben wollten mit taiding oeder wie das genant wær‚ das wir dar inne vollen gewalt geben und auch geben haben ze gewinne und ze flust und stet ze haben ewichleich hern Chunradten unserm techant und dor zue Hainreichen dem Hohenkirher und Vlreichen dem Stocklein umb alle ansprach und stoezz die die vorgenanten geistleichen wierdigen herren gen uns und unserm goetzhaus habent von des zechentz wegen in der Wachawe. Mit urchund ditz briefs geben ze Tegernse mit unsern angedruchten insigelen. Actum anno MCCCLX primo, proxima feria sexta ante festum pentecosten.

Source Fulltext: LAMPEL, Urkunden Sanct Pölten (=FRA I, Wien 1981) S. 515