In nomine domini; amen. Albertus dei et apostolice sedis gratia Pataviensis episcopus ad perpetuam rei memoriam. Licet affatim cunctas ecclesias nobis iure ordinario subiectas in suis rebus bonis iuribus^a et iurisdictionibus ex officii nostri debito tueri ac defendere teneamur, has tamen precipue a quibus beneficium nos cognovimus recepisse in suis bonis et iuribus integras et illesas conservare de sideramus. Considerata itaque grata promptitudine et affectabili cari tate in donacione permutacionis tantum causa nobis et ecclesie nostre multipliciter exhibitis per venerabilem in Christo nobis dilectum Uel ricum dictum Veiertager prepositum, Christoforum decanum ac totum conventum monasterii sancti Ypoliti ordinis sancti Augustini canoni corum regularium nostre dyocesis in iuribus et seruiciis, qui ipsi et eorum ecclesia in nostra civitate ad Sanctum Ypolitum ab antiqua donacione principum et fidelium oblacione habuerunt: primum forum ad Sanctum Ypolitum cum omnibus iuribus suis modo in civitatem redactum, quod Hainricus quartus rex Romanorum ob interventum imperatricis Agnetis genitricis ipsius felicis recordacionis ipsis in pro prietatem donavit, omnesque domos proprias, redditus domorum qui vulgariter puerkchrecht vel uberzins nunccupantur; ius fundi et in mutis et theoloniis eiusdem nostre civitatis duas integras porciones, census domorum et maccellorum ac institarum, mensarum panum pannorum carnificum et Cami ficum, ius Lati fori, servicium quod de mercibus in eodem Lato foro hactenus solvi * et ipsis exhiberi conswevit, tres domos circa molendinum quondam Staind lini, et generaliter omnia iura extra suos terminos intra muros civitatis Sancti Ypoliti iam dicte, nullo penitus excepto, quocunque censeantur nomine et in quibuscunque consistant, que hactenus in civitate sev loco Sancti Ypoliti habue runt et habere potuerunt quovismodo, reservatis tantum ipsis et ecclesie eorum iuribus omnibus et^b in terminis suis infra nominatis — in festo vero beati Ypoliti annuali tribus diebus ante et tribus diebus post eandem festivitatem nobis et nostris successoribus in omnibus terminis eorum ius theolonii eciam recipere concesserunt, theolonio lutifigulorum dumtaxat excepto quod ipsis et eorum monasterio^c isto tempore sicut in aliis anni temporibus plena riter persolvi et exhiberi debet — insuper unum molendinum extra muros opidi Sancti Ypoliti cum omnibus iuribus et pertinenciis suis, in quocumque consistant, in quo ad presens Chuenradus Chneppel^d residet;* preterea et augeam que Prepositi augea nominatur cum arboribus lignetis et pascuis, sicut undique sepi distingwitur seu * designatur. Que inquam omnia et singula suprascripta iura census seu servicia et augeam cum arboribus lignetis et pascuis, in quocumque et in quibuscumque consistant, que ad centum et decem libras denariorum wiennensium certorum reddituum et proventuum et ultra annuatim se extendunt, eo iure quo ad ipsos et eorum mona sterium pertinere dinoscuntur, nobis et successoribus nostris ac ec clesie nostre donaverunt, dederunt atque contulerunt, ymo dant donant atque conferunt perpetuis temporibus per nos et successores nostros possidenda pariter et habenda, reservatis ipsis solummodo domibus officiorum suorum, videlicet custodie, camere cum parva domo annexa, hospitali atque domo quondam domini Andree Chrannesti in Foro lactis, que in duas domos est divisa, necnon Contrata claustralis cum omnibus domibus et areis ac habitacionibus intra eam infra subnominatos^e terminos constitutis, molendino nostro retro* hospitale sito et curia nostra que vulgariter Vronhof dicitur cum commodo nostro consweto in eorum monasterio secundum tenorem nostrarum litterarum dumtaxat exceptis. *. Termini vero sive limites Contrate claustralis eorum de qua premittitur sunt qui secuntur: primo transeundo de cimiterio ante cappellam beate Margarete* descendendo per vicum qui vulgo dicitur Chirichgezzel a dextro latere, quod est prope pomerium prepositi et conventus predictorum, usque ad aciem domus que quondam fuit plebani de Sancto Leonhardo et deinde directe usque ad murum civitatis, demum tota Contrata claustralis ab utroque latere et transitus usque ad domum Tuechlini^f inclusive et omnes domos in latere domus Tuchlini^f usque ad aciem muri qui est per cimiterium* hospitalis cum omnibus emunitatibus iuribus et privilegiis plene et integre in omnibus et per omnia, sicuti nostri cives Ypolitenses gaudere debent et debebunt. Volentes igitur ipsis eorumque monasterio grata vicissitudine dignam premissorum intuitu impendere refusionem, cum predicte donaciones in non modicam ecclesie nostre utilitatem redundent, debitis a iure tractatu et sollempnitatibus adhibitis, de consensu unanimi atque concordi vene rabilis capituli nostri Pataviensis, favorabiliter atque irrevocabiliter dedimus donavimus tradimus atque donamus decimas et possessiones infra recitatas per ipsos prepositum, conventum monasterii sancti Ypoliti ac successores eorundem perpetuis temporibus possidendas pariter et habendas. Primum viginti talenta, tres solidos et decem et octo denarios wiennensis monete in certis redditibus cum tri bus modiis frumenti pariter et avene et uno modio tritici totum antique Ypolitensis mensure; bona vero de quibus isti redditus sol vuntur sunt hec: in Voelkendorf novem lanei et^g quatuor aree et u^eberlent cum omnibus suis attinentiis; in Grueb quatuor lanei et una area; ibidem una curia in der Grueb^h nominata et ueberlent; in Raitzenstorfⁱ duo lanei; in Garmanstorf una area; in Chendelpach una area; in Spretzorn^j sex lanei et uberlent; curia in Dornaech; ius civile decimarum in Winchlarn, in Chuenratzdorf et in Linsperch, de quibus dimidia libra denariorum porrigitur pro servicio annuali; in Snepling duo lanei et in Zueleiten dimidius laneus; in Plindendorf unus laneus; curia Haghof nominata cum omnibus suis attinenciis ab antiquo; curia Auf dem perg que ad curiam Haghof ab antiquo servivit; curia in Stokchhof; curia in Grasperg cum tribus areis u^eberlend et ligneto et cum omni servicio ibidem quod Gæhel antiquus hactenus semper collegit; molendinum Chrannesti prope civitatem Sancti Ypoliti situm. Item dedimus et donamus ipsis et eorum mona sterio redditus et ueberlend de omnibus bonis in Huerben que Wilhelmus Winsperger quondam canonicus Pataviensis comparavit, de quibus bonis duo talenta denariorum wiennensium vel citra pro an nuali servicio porriguntur; que quidem^k omnia bona cum prenotato servicio et omnibus nostris iuribus et attinentiis suis, sicuti ea hucus que quieta possessione habuimus, ipsis et eorum successoribus pleno iure tradimus et donamus. Ceterum ipsis et eorum monasterio dedi mus et donamus decimas infrascriptas: primum decimam quam nostro et ecclesie nostre nomine Johannes decimator in Stederdorf collegit de omnibus curiis laneis areis et agris ad colleccionem eiusdem de cime pertinentibus, que decima annuali locacione pro decem^l modiis antique ypolitensis mensure est locata; item dedimus atque donamus ipsis et eorum monasterio predicto omnes et singulas nostras et ec clesie nostre decimas in tota parrochia ecclesie parrochialis in Cappella constitutas, quas nostro et ecclesie nostre nomine prenotate decima tores in Oetzeinstorf, in Weizzenchirichen, in Chatzenperg, in Gum poting, in Poeting, in Hewtzing, in Salichendorf, in Wiermla, in Pers nikch, in Pyscholfzpruk, in Grintdorf, in Tautendorf, in Awgea, in Tiemdorf, in Goethartsperg, in Tal, in Gundoltstorf, in Padendorf,^m in Mueesting, in Pentzing, in Rappotendorf et in omnibus aliis eius dem parrochie locis collegerunt, quarum decimarum omnium in eadem parrochia ipsi et eorum monasterio prius dimidiam habuerunt por cionem; decime vero eiusdem parrochieⁿ in Cappella cum suis atti nenciis pro parte nos et ecclesiam nostram contingentes diligenti inquisicione prehabita communi locacione pro trigintaquatuor^o modiis vel citra sunt estimate; item dedimus atque donamus ipsis et eorum monasterio dimidias decimas vini in Lewben et in Puechel prope castrum Tiernstain cum suis attinenciis que annuatim ad quatuor vel quinque vasa vini^p sunt estimate,^q quarum decimarum quar tam partem residuam habet monasterium in Choetwico et quartam aliam porcionem habet Symon civis et quondam mutarius in Ibsa. Ex causis igitur premissis ipsis et eorum monasterio dedimus et^r donamus redditus et decimas prescriptas cum omnibus iuribus usibus et fructibus, quemadmodum nos et nostri predecessores ipsa hucusque tenuimus possedimus et habuimus, volentes ea plene^s et integro pro prietatis iure apud eos et dictum eorum monasterium aput^t Sanctum Ypolitum perpetuis futuris temporibus irrevocabiliter permanere, pro mittentes nos et successores nostros donacionem translacionem tra dicionem et permutacionem prefatas semper ratas gratas et firmas tenere pariter et habere ac contra eas non venire quomodolibet et quocumque tempore, in parte vel in toto, sed ea ab omni persona et in omni loco ac tempore defendere et tueri, omni fraude et dolo semotis.^u In quorum omnium et singulorum testimonium presentes ipsis et eorum monasterio nostri ac venerabilis capituli nostri Pata viensis sigillorum appensione dedimus communitas. Datum in Sancto Ypolito, in die sancte Elizabeth vidue, anno domini millesimo tre centesimo sexagesimoseptimo.

Source Fulltext: LAMPEL, Urkunden Sanct Pölten (=FRA I, Wien 1981) S. 707-711