Albertus dei et apostolice sedis gracia Pataviensis episcopus omnibus imper petuum salutem in domino. Oblata nobis pro parte venerabilis in Christo Vlrici prepositi et religiosorum virorum conventus monasterii sancti Yppoliti ordinis sancti Augustini canonicorum regularium opidi et diocesis nostrorum peticio continebat, quod cum strennuus miles Chonradus de Sazze suique heredes divino moti instinctu ad honorem omnipotentis dei ac pro animarum suarum salute ius patronatus ecclesie sancti Gothardi dicte nostre diocesis, quod ad eos spectare dinoscebatur, cum omnibus iuribus et pertinen ciis suis ipsis et eorum monasterio prenotato libere et sponte dona verint perpetuo tenendum et possidendum iusto et gratuito dona cionis tytulo, donacionem ipsam quam nobis certis inde confectis litteris demonstrarunt, approbare et auctoritate ordinaria confirmare dignaremur . . . Nos ad devotam ipsorum instanciam et cultus divini augmentum premissis favorabiliter annuere cupientes dictam dona cionem, sicut premittitur, ipsis et eorum monasterio sancti Yppoliti factam laudamus approbamus et ex certa sciencia auctoritate ordinaria confirmamus, ita ut* cedente vel decedente* rectore ipsius ad presens existente eadem ecclesia sancti Gothardi per unum sacerdotem ex canonicis eiusdem monasterii vel presbiterum secularem* nobis irrequi sitis regi gubernari deinceps valeat et inofficiari, iuribus tamen nostris et ecclesie nostre ac papalibus et legatorum sedis apostolice ac metro politicis semper salvis, quibus et aliis consuetis omnibus ipsius per premissa nolumus aliquatenus derogari. In cuius rei evidens testi monium sigillum nostrum presentibus duximus appendendum. Datum in Ebelzperch, die beati Augustini episcopi, anno domini millesimo trecentesimo sexagesimo septimo.

Source Fulltext: LAMPEL, Urkunden Sanct Pölten (=FRA I, Wien 1981) S. 701-702