Ich Jans von Mainberkch und all mein erben vergehen und tün chünt offenlich mit dem brief allen den di in sehent hörnt oder lesent, die nu lebent oder hernach chunftig sind, daz wi^er mit wolbedachtem mu^et mit guetlichem willen, z'der zeit da wir ez mit recht wol getün machten‚^a recht und redlich verchaüft haben ain manschaft und lehenschaft der zwai^er drittail zehentes gelegen ze Obrechtsperg gegen dem drittail zehentes, daz zu^e der pfarrchirhen zu Hu^erben geho^ert, di^e wi^er ze lehen gehabt haben von dem hochwirdigen fursten bischof Albrechten ze Pazzawe. Dieselben manschaft und lehenschaft der vorgenanten zwai^er drittail zehentes ze Obrechtsperg haben wïr verchauft und geben umb aindlef pfunt wienner pfenning der wi^er genzlich verricht und gewert sein dem erwirdigen geistlichen herren hern Ulreichen dem Veyrtagêr probst des gotshau^es dacz sand Po^elten und seinen convent gemaindlîch daselbs fu^erwas ledich-lich und vreilich ze haben und allen i^er und i^ers gotshau^es fru^emen damit ze schaffen, verchaufen versetzen und geben wem si wellen, an allen irsal; und sein wi^er des i^er recht geweren und scherm fu^er alle ansprach, als lehens und des landes recht ist in O^esterreich. Get in furwas daran icht ab mit recht, oder ob si mit recht icht chrieg dar an gewu^ennen, von wem daz wêr, daz su^ellen wi^er in alles ausrichten ablegen und auch widerchern? und su^ellen si daz haben datz uns und au^ef allen dem gu^eet daz wir haben in dem lande ze O^esterreich, wi^er sein lebentig oder tode. Dez ze urchund gib ich obgenanter Jans von Mainberkch den brief versigelten mit meinem insigl fu^er mich und all mein erben mit Marcha^erts des Hau^eslër insigl von Sêserndorf und mit Jansen dez Sîernikchêr insigl, di wïr des vleizzichlich gepeten haben daz si der sach zeugen sind mit irn insigln. Geben datz sand Po^elten, nach Christi gepurde dreuzehen hundert jar darnach in dem ächt und sechzigistem jare, an dem palmtag.

Source Fulltext: LAMPEL, Urkunden Sanct Pölten (=FRA II, Wien 1901) S. 15-16