Ich pru^eder Niclas von Wildungsmower zu den zeiten maister ze Mowerperg, ich Hans von Pergowe ze den zeiten pharrer ze La, ich Niclas der Locher zu den zeiten official ze Wienn und ich Pernolt der Chlingenfu^erter, wi^er verjechen und tu^en chunt offenlich mit dem bri^ef,^a das di erwi^erdigen und geistleichen her Vlreich probst ze Sandpo^elten und her Weygant probst ze Sand Florian und paid convent gemainchleich derselben gotzheuser^b an einem tail, pru^eder Johann von Rumppenhaim lant comitewer, prueder Gilig hauscomitewer und di pru^eder gemain in dem Dewtschen haus ze Wienn an dem andern tail, hinder uns gegangen sind aller chrieg und sto^ezz di zwischen in gewesen sind von des zehents wegen auf newn weingerten gelegen in der Wochawe, die dieselben herren datz dem Deutschen haus ze Wienn habent und die leut^b di si von in gehabt habent also was wi^er daru^eber sprechen mit der minne und mit dem rechten, das si daz genzleich stet haben schullen nach sag i^err bri^ef di si uns darumb gegeben habent. Nu haben wii^er all vi^er erchant, daz der zechent der vorgenanten weingerten rechtleich der obgenanten gotzheuser datz Sandpo^elten und datz Sand Florian ist. Aber durich frid und niderlegung der vorgenanten chrieg haben wi^er gesprochen mit minn und nach dem rechten umb di newn phunt wienner phenning geltes minner siben und zwainzig phenning gelegen in der Wochawe auf den egenanten newn weingerten und auf ettleichen behausten gu^etern, die di egenanten Dewtschen herren daselbs habent, als ez z'ainzigen hernach benant ist: des ersten auf Albrechts des Vogels haus und halben lechen zwelif schilling geltes, auf des Praschen haus und halben lehen und auf seinem weingarten^c genant der Wi^ersinch drew phunt geltes, auf Stephans des Wolfrewter weingarten newn schilling geltes, auf Fridreichs des Rigler weingarten siben schilling geltes, auf Hainreichs des Pu^erkchstaler anderthalben lechen weinga^erten achtzehen schilling geltes, auf Chu^enratz des Pekchen haus drei und dreizzig phennig geltes, also das si di gu^elt auf den vorgeschriben guetern ze choufen geben schullen den egenanten gotzhau^esern datz Sand Po^elten und datz Sand Florian umb newn und sechzichk phunt wienner phenning und schullen in daruber geben ainen choufbri^ef nach des landes recht ze O^esterreich zwischen hinn und unser vrowen tag ze der liechtmesse, der nu schierist chumt, und schullen si in hin wider gu^et machen mit i^ern briefen in der selben zeit di egenanten newn und sechzigk phunt phenning ze geben auf sand Go^erigen tag unverzogenlich. Wi^er sprechen auch umb di hofstat gelegen ze Wesendorf in der Wochawe, di der Amsteter di zeit innhat und der zehen phenning davon di^ent, daz der selb Amsteter von allen weingarten und ækchern di zu der selben hofstat geho^ernt, und von allem dem erib daz derselb Amsteter oder wer di selben sein hofstat nach im besitzet, das si habent oder gewinnent in der vorgenanten gotzheusern^d datz Sandpo^elten und datz Sand Florian gemerkchten und zehenten in der Wochawe, rechten zechent geben schullen, alz gewo^endleich und recht ist. Wi^er sprechen auch, daz all scheden chrieg und vodrung di von der egenanten sto^ezz wegen gewesen sind auf paiden tailn geleich gen einander ab sein schullen. Auch sprechen wi^er. wer den spruch nicht stet hielt, daz der vervallen schol sein aller der pen und wandel di die puntbri^ef sagent di si gen einander daru^eber gegebcn habent. Und des ze u^erchund so geben wi^er den oftgenanten zwain gotzheusern^d ze Sand Po^elten und ze Sand Florian^e den bri^ef versigelten mit unsern insigeln. Der brief ist geben ze Wienn, nach Christs gepu^eerd dreuzehen hundert jar darnach in dem a^echt und sechzigisten jar, des nachsten montags vor sand Agnesen tag.

Source Fulltext: LAMPEL, Urkunden Sanct Pölten (=FRA II, Wien 1901) S. 3-5