Ich U^elreich der Pyelachêr, ich Preyd sein hausvrowe, ich Symon, ich Jans und ich Stephan sein pru^eder die Pielahêr und all unser erben vergehen und tu^en chu^ent offenlich mit dem brief allen den di in sehent ho^ernt oder lesent, di nu lebent und hernach chünftig sind, daz wi^er mit gesampter hant mit unserr aller erben gu^etem willen und gunst, zder zeit da wi^er es mit recht wol getu^en machten, recht und redlich verchau^eft haben unseres rechten ledigen vrein aigens fu^enfzig wiennêr phenning geltes gelegen datz Lu^epperig auf ainem drittail aines lehens, daz wi^er haben gen den zwain drittailen desselben lehens, der ains her Stephan von Hohenberch und daz ander der Lo^echlêr gen uns habent, und zwen und dreizzich wiennêr phenning geltes gelegen datz Mu^elhofen auf Wolfhartes hofstat, daz alles gelegen ist in Wilhalmspurger pharr. Di vorgenanten gu^elt und gu^eeter mit all di^e und dar zu^e geho^ert, ze veld und ze dorf, gestift und ungestift, versu^eecht und unversu^eecht, wie daz genant ist und wo das gelegen ist, haben wi^er verchauft und geben umb vier pfu^ent wienner phenning, der wir gar und ganzlich verricht und gewert sein, dem erwi^erdigen geistlichen herren hern Ulreichen dem Veyrtager probst datz sand Po^elten, seinem convent, seinem gotshau^es und all seinen nachko^emen fu^erwas ledichleich und vreilich ze haben, und allen irn fru^emen damit schaffen, verchaufen versetzen und geben wem si wellen an allen chrieg und irsal; und sein wi^er des i^er recht gewern und scherm für all ansprach, als aigens und des landes recht ist in Österreich, Get in fürwas dar an icht ab mit recht oder ob si mit recht icht chrieg oder ansprach daran gewu^ennen, von wem das wêr, daz su^ellen wi^er in ausrichten ablegen und widerchern, und schu^ellen si daz haben datz uns und auf all dem gu^et, daz wir haben in dem lande ze Österreich, wi^er sein lebentig oder tode. Mit u^erchu^end des briefs versigilten mit unser obgenanten Ulreichs,² Symons und Jansen³ gepru^eder der Pyelahër anhangunden insigilen und mit Stephans und Weykchartes pru^eder der Hordêr^a unsrer o^ehaim, di wi^er des vleizzichlich gepeten haben, daz si der sach zeugen sind mit irn anhangunden insigilen; wand ich obgenanter Stephan der Pyelahêr selb aigens insigils nicht enhet, so verpind ich mich mit meinen trewn under di^e gegenwu^ertigen insigil, allez daz genzlich stât^b ze haben und ze volfu^ern, daz vor geschriben stet. Geben nach Christi gepu^erd dreu^ezehen hundert jar darnach in dem newen und sechzgistem jare, des suntags in der ersten vastwochen in der vasten.

Source Fulltext: LAMPEL, Urkunden Sanct Pölten (=FRA II, Wien 1901) S. 53-54