Ich Ott im Tuern von Wachau^e, ich Katrey sein hausvrawe^a und all unser erben vergehen und tu^en chunt offenleich mit dem prief allen den di in sehent ho^ernt oder lesent, di nu^e lebent und her nach chu^enftig sind, daz wi^er recht und redleich verchau^eft haben allen unsern zehent ze Obretzperg, die zwai tail getraid zehent und wein zehent grozzen und chlainen und alle neu^eraeu^et dar zu di^e da sind oder noch werdent und waz do^er zu gehort, der unser rechcz lehen ist gewesen von dem erwi^erdigen geistleichen herren hern Johansen probst dacz sand Po^elten und von seinem gotshau^es doselbs; denselben zehent haben wi^er verchau^eft und geben umb zwai und vierzik phunt wyenner phenning, der wi^er gar und gaenzleich verricht und gewert sein, dem egenanten hern Johansen probst dacz sand Po^elten seinem convent und allen i^ern no^echko^emen^b daselbs fu^erbaz ledikchleich und vreileich ze haben und allen îrn und i^ers gotshau^es frum do mit schaffen verchau^efen vërseczen und geben wem si wellent an allen chrieg und i^ersal. Und sein wi^er dez i^er recht gewer und scherem fu^er all ansprach alz lehens und dez landez recht ist in O^esterreich. Get in fu^erbaz dar an icht ab mit recht oder ob si mit recht icht chrieg oder ansprach do^er^c an gewinnen, von wem daz waer, daz schull wîr in gaenzleich au^ezrichten ablegen und widercheren an allen i^ern schaden, und schullen seu^e daz haben dacz uns und auf allem dem guet, daz wi^er haben oder noch gewinnen in dem land ze O^esterreich, wi^er sein lemptig oder to^ed. Dez ze u^erchund geb wi^er den prief versigelt mit der erbern leu^et insigel hern Ullreich von Hayczendo^erf di zeit richter von Wachau^e und Chunrats dez Flander von Wesendo^erf und Jacobs von Jeu^ehing anhangunden insigelln, di wir dez vleizzikchleich gepeten, daz si der sach zeu^egen sind mit i^ern insigelen, in an schaden; wann ich obgenanter Ott im Tuern selb aigens insigels nicht enhan, so verpind ich mich mit meinen treu^en under di gegenbuertigen insigel, alles daz gaenzleich staet ze haben und ze volfuern daz vo^er^d geschriben stet. Geben am mantag nach sand Michels tag, nach Christi gepu^eerd dreu^ezehen hundert dar nach in dem si^ebenzkisten jar.

Source Fulltext: LAMPEL, Urkunden Sanct Pölten (=FRA II, Wien 1901) S. 92-93