Ich Go^etfrid von Ror vergich und tu^en chunt offenlich mit dem brief allen den di in sehent ho^ernt oder lesent; di nu lebent und hernach chu^enftig sind, daz mir die erwirdigen geistlich herren her Johanns probst und der convent datz sand Po^elten recht und redlich verchau^eft habent ires rechten ledigen vreins^a aigens zehen phunt wiennêr phenning geltes, di gelegen sind datz Rekkleinstorf, datz Rust und an dem Widemhof auf den nach geschriben güetern gestifter holden: von erst auf Chunrates des Treybêr anderthalben lehen aindlef schilling und fu^er hu^eenr und aier sibenthalben phenning geltes, auf Fridreichs lehen bei der Gazzen siben schilling zehen phenning und fu^er hüenr und aier aindlef phenning geltes, auf Stephanns lehen des Chlaindienests siben schilling zehen phenning und fu^er hu^eenr und aier aindlef phenning geltes, auf Petreins lehen des Hawnêr und Seydleins des Swabs siben schilling zehen phenning und fu^er hu^eenr und aier siben phenning geltes, auf Wolfhartes des Aydems zwain lehen fünfzehen schilling minner zehen phenning und fu^er hu^eenr und aier achtzehen phenning geltes, auf Niclasen lehen des Wagnêr siben schilling zehen phenning und fu^er hu^eenr und aier siben phenning geltes, auf Ulreiches lehen des Leublêr sechs schilling zehen phenning und fu^er hu^eenr und aier aindlif phenning geltes, darnach Christan der Purgêr von dem Widemhof ain phunt zehen phenning und fu^er hu^eenr und aier aindlef phenning geltes, Philipp von Rust von ainem weinzu^erlgericht siben schilling phenning geltes, und Hainreich der Haüner di zeit amman dacz Rekkleinstorf von purchrecht êkchern dreizzich phenning geltes. Di vorgenanten gueter^b und gu^elt mit alle di^e und dar zu^e geho^ert, ze veld und z´ dorfe,^c gestift und ungestift, versu^echt oder unversucht, wie daz genant ist und wo daz gelegen ist, mit allen ern nüczen und rechten, als si die unversprochenlich in aigens gewer inngehabt und herpracht habent, habent si mir obgenanten herren hern Götfriden von Ror verchauft umb hundert phunt und fünfzig phunt wienner phenning, i^egliches phunt geltes besunderlich umb fünfzehen phunt wiennêr phenning, der ich sew genzlich verricht und gewert han, dew vorgenanten herren hern Johannsen probst, Niclasen techant und den convent datz sand Pölten, den ich di vorgenanten zehen phunt [geltes]^d dacz Rekkleinstorf datz Rust und an dem Widemhof laüt und gu^eter, mit allen ern nu^etzen und rechten als oben benant ist, in und irem gotzhaus datz sand Pölten und all irn nachko^emen durch der grozzen begier und lieb di ich obgenanter herr her Gotfried von Ror zu^e dem[sel]ben^e irem gotzhau^es datz Sand Po^elten gehabt und noch han, hin wider gegeben und gib auch in die mit dem gegenwürtigen brief durch meiner sel, meiner vorvardern und allen meinen nachkömen selen hilf und trostess willen, darumb sich di obgenanten herren her Johanns probst, Niclas techant und der convent gemaindlich datz sand Po^elten fu^er sich und all i^er nachko^emen hinz mi^er egenanten herren hern Go^etfriden von Ror und meinen erben verlu^ebt und verpunden habent nach irr brief^f sag, di ich von in darüber hab, daz si erst nach meinem tode, des nachsten adventes daz sich erst nach meinem tod anhebund ist, mi^er und meinen erben von siben phunt geltes au^es den obgenanten gülten ain ewige mess auf sand Johanns alter^g gotes tau^effệr in dem egenanten irem gotzhau^es datz sand Po^elten alle tag teglich an underlazz sprechen und haben schullen zehant nach der ersten mess auf sand Stephanns alterd und nach der andern mess, di auf unser vrawen alter^g in demselben irem gotzhaus datz sand Pölten gesprochen werdent, also daz die egenant mess auf sand Johanns alter^g gots tau^effer, di ich obgenanter herr her Gotfrid von Ror gestift han, all zeit di^e dritt mess nach den egenanten zwaîn messen ewichlich haizzen und sein sol; ich han auch recht und gewalt von den egenanten herren datz sand Po^elten vor dem vorgenanten sand Johanns alter^g gotes tauffêr in dem egenanten irem gotzhau^es dacz Sand Po^elten ain begrebnu^ezz nemen und erwelen mit ainem erhabenn grab, wo ich wil‚ ainer chaufellen hoch, darinne auch mein nachst erben und hausfrawen begrebnu^ezz nemen und erwelen süllen, in allen den rechten als ich selben, di dar zu^e genad und willen habent, di sein begernt, und sullen si in des stat tu^en und daran nindert irren in dhainem weg vil noch wenikch. Darnach sullen si mîr und meinen erben von den drin phunt geltes au^es den obgenanten zehen phunt geltes ain ewiges liecht verwesen, daz nacht und tag ewichlich vor dem egenanten sand Johanns alter gots tauffêr prinnen sol, und dar zu^e schullen si mîr und meinen erben ainen ewigen jartag in dem obgenanten irem gotzhaus datz sand Po^elten alle jar jêrlich begen, des suntags wenn sich daz advent unsers herren anhebund ist, an dem abent mit ainer gesungen vigilii,^h da bei zwelf stekchcherzen und zwo wandlungcherzen prinnen su^ellen, und dar zu^e sullen si mïr meinen erben und meinen haus vrowen ain guldein tu^ech auf di par dekchen und an dem margen mit ainer gesungener selmess und mit fünf gesprochen selmessen, da bei auch zwelf stekchcherzen und zwo wandlungcherzen prinnen su^ellen, und dar zu^e ain guldein tuech schu^ellen si mir und meinen erben und meinen hau^esvrowen auf di^e par dekchen, und sich danne der priester der desselben tages daz selampt singet vor dem alter umbchern nach dem ewangelii^h und sol piten umb mein obgenantes herren hern Gotfrids sel von Ror, meiner vorvardern und allen meinen nachko^emen selen, und sol au^ech dieselb stift des ewigen liechtes, der stekchcherzen, der wandlungcherzen, des guldein tuechs auf di par, di mess zu^e dem jartag, alles geschehen und volpracht werden von den drin phunt geltes uber di siben phunt gelts, darauf di vorgenant ewig mess auf sand Johanns alter gotes tau^effêr gestift und verschriben ist. Dar zu^e schu^ellen und mo^egen mein nachst erben ainen erbern dienêr selb dritten mit drin phërften zu^e dem jartag gesenden, der da beschawe ob der jartag und di mess und daz selgeret in der mazz begangen und volpracht werde als vorgeschriben stet, und schullen si danne demselben dienêr selb dritten mit drin phërften bei dem jartag an dem abent bei der vigiliiⁱ und an dem margen bei den selmessen chost fueter und hau^e geben, als vil si des di zeit bedu^erffen. Ich sol auch der obgenanten gu^elt und gu^eeter mein lebtêg rechter erbvogt sein und nach meinem tode schu^ellen mein nachst erben derselben gu^eeter und gu^elt recht erbvo^egt sein, also daz die egenanten holden ieglicher von seinem behau^estem^j und gestiftem gu^et, der zechneu^e sind mit der zal als dieselben güeter oben benant sind, mir oder meinen erben ain vogthu^en daz zwair phenning wert sei jêrlich raihen und geben schullen an sand Michels tag unverzogenlich gen Aichperch oder wo wir die inner zwain meilen umb Sand Po^eltenstat hin vordern ze dienen und nicht mer‚ zu^e ainer ewigen gedechtnu^ezz daz di^e egenant stift und daz selgerêt von mir obgenantem hern Gotfriden von Ror herchemmen sei. Wer au^ech daz di vorgenanten holden derselben erbvogthüenr mir oder meinen erben auf den obgenanten sand Michels tag nicht richtêten und gêben, so schu^ellen wir dieselben holden dar zu no^etten mit der egenanten herren von Sand Po^elten gu^etlichen willen und gunst, so longe^k unz daz si dieselben erbvo^egthüenr auf den vorgenanten sand Michels tag raihen und geben in der mazz als vorgeschriben stet. Wer au^ech daz di egenanten holden lau^et und gu^eeter von der obgenanten erbvogtei wegen ze vast beswêrt und geno^ett wu^erden, so sullen mich oder mein erben di obgenanten herren von Sand Po^elten mit erbern lau^etten ains oder zwier darumb ze red seczen‚ daz wir von derselben beswêrnuzz lazzen und daz den holden i^er scheden, di^e si von der erbvogtei wegen genomen habent, di wizzenlich wêrn, ganz und gar widerchert werden. Teten wir des nicht, so ist daz unser gu^etlich will und gunst, daz uns der landes herr in O^esterreich oder wer an seiner stat gewaltig ist dar zu^e notten sol so vil und so verr unz daz den egenanten holden ir schêden genzlich widerchert werdent. Es sullen auch di obgenanten herren her Johanns probst, Niclas techant und der convent datz Sand Po^elten noch all ir nachko^emen von den vorgenanten holden und gu^eetern dhain stewer noch chain unrechtliche vorderung nicht nemen denn nu^er iren rechten dienst, au^esgenomen aller rechtlicher wandl, wie die genant sind, di dieselben holden verschu^elden, darumb si die pezzern schu^ellen, als ander ires gotzhaüses holden. Wer aber daz si dieselben laüt und gu^eter unrechtlich beswêrten, so schüllen wir seü mit erbern lau^etten ains oder zwi^er darumb ze red setzen und waz si unpillicher vorderung von den lau^etten geno^emen habent, di wizzenlich wern, di schullen si in genzlich widerchern. Wolten sew aber des wider sein, so ist daz i^er aller gu^etlich will und gunst, daz ich mich danne mein lebtêg der vorgenanten gult und gu^eter underziehen sol oder mein erben nach meinem tod, di danne dieselben gult und gu^eter mit allen ern nu^etzen und rechten innehaben schullen, so longea unz daz sî den egenanten holden die stewer oder di unrechtlich vorderung, di si von in genomen habent, genzlich widerchern; und wenn si daz getan habent, so sol ich in mein lebteg oder mein erben nach meinem tode derselben gu^elt und gu^eter wider gewaltig machen und an di gewer setzen und schu^ellen in fu^erbaz dieselben gult und gu^eter genzlich von uns ledig sein und auch loz an all unser widerred. Tu^en wir aber des nicht, so schu^ellen si uns mit erbern laütten ains oder zwier darumb ze red setzen, daz wir sew der egenanten gu^elt und gueter wider gewaltig machen. Wêren wir aber dar an saumig, daz wir in dieselben gueter und gu^elt nicht in antwu^erten wolten, so ist daz unser gu^etlich will und gunst, daz seu^e der landes herr in O^esterreich odër sein anbolt derselben gu^elt und gueter wider gewaltig machen und an di gewer setzen sol und seu^e darauf schi^ermen vor allem gewalt und unrecht, und schullen si furbaz von den vorgenanten holden dhain stewer noch chain unrechtliche vorderung nemen in dhainem weg‚ vil noch wenikch, denn nu^eer iren rechten dienst ausgeno^emen der vorgeschriben wandeln. Wêr auch daz deu^e obgenanten herren her Johanns probst, Niclas techant und der convent datz sand Po^elten oder ir nachko^emen an der ewigen mess, an dem ewigen jartag, an dem ewigen liecht und an dem andern ewigen gotzdieneste^l als vorgeschriben stet indert sau^emig wêrn, so schu^ellen seu^e danne mein nachst erben mit erbern lau^eten ains oder zwier darumb ze red setzen und ermanen, daz si all sau^emung des egenanten gotzdienstes ganz erstatten und volpringen. Tuent seu^e aber das nicht, so ist daz i^er aller gu^etlich will und gunst, daz sich danne mein nachst erben der obgenanten gu^elt und gu^eeter u^enderwinden und di^e [aufterstat]^m inantwurten süllen den erwi^erdigen geistlichen herren . . dem probst und dem convent datz Sand Andre bei der Traysen oder iren nachko^emen, di danne dieselben gu^elt und gu^eeter mit allen nu^eczen innhaben und di egenanten stift von denselben nützen [begên]ⁿ süllen in aller der weise, als si des gepunden sind, in den rechten als vorgeschriben stet, so longe unz daz si alle die sau^emung volpringen und volfu^ern ganz und gar. Und wenn si dieselben sau^emung des gotzdienstes volpracht und volfu^ert [haben]^o, so su^ellen in danne mein erben oder der landes herr in O^esterreich der vorgenanten gu^elt und gu^eeter wider gewaltig machen und an di gewer setzen, also daz si furbaz von meinen erben und dem egenanten gotzhaus dacz Sand Andre ganz und gar [an all]^p widerred ledig und loz sein an als gevêrde. Ich pin auch obgenanter her Go^etfrid von Ror der obgenanten [zehen phunt gelts, di]^q ich den vorgenanten herren von Sand Po^elten gegeben han, ir recht gewern und scherm fu^er all ansprach als aigens und [des landes] recht ist in O^esterreich. Get in fu^erbaz daran icht ab mit recht oder ob si mit recht icht chrieg oder [ansprach] daran gewu^ennen, von wem daz wêr, daz sol ich in genzleich ausrichten ablegen und widerchern, und sullen si daz haben datz mïr und [auf] allen den guetern die ich han oder noch gewinn, ich sei lebentig oder tode. Des ze urchund gib ich obgenanter her Gotfrid von Ror den egenanten herren hern Johannsen probst, Niclasen techant und dem convent datz sand Po^elten und allen iren nachkomen den brief versigelten mit meinem anhangundem insigl.³ Der sach sind gezeu^egen her Dietreich von Losenstain⁴ mein öhaim, her Ru^edolf von Losenstain mein o^ehaim, her Weykchart von Toppel zdem hau^es im Pach mein o^ehaim und her Ortlieb von Winche⁵ bei der Tu^enawe mein öhaim mit iren insigeln, die ich darumb vleizzichlich gepeten han, daz si der sach zeu^egen sind. Geben nach Christî gepu^erd tau^esent dreu^e hundert jar darnach in dem zwai und sibenzkistem jare, des mäntags vor sand Johanns tag ze sunnwenten.

Source Fulltext: LAMPEL, Urkunden Sanct Pölten (=FRA II, Wien 1901) S. 120-126