Ich Fridrich von Poppendörf und ich Chlar sein hausfraw und all unser paider erben wïr verjehen und tün chund offenbar mit dem bri^ef allen den er furchumbt und die in sehent hörent und lesent, daz wir mit wolbedachten mu^et und mit gesambter,^a zu der zi^et^b do^e wir daz mit recht wol tün möchten, nach rat und weisung unser nachsten und pesten frewnt, recht und redli^ech verchauft und hingeben haben unseres rechten freien aigen dem erbern herren hern Wolfgangen dem Feuchter di zi^et chörherr und chamrer dez goczhaus dacz Sand Pölten‚ und dem ganzen covent^c doselbs unser lehen mit aller seiner zugehörung‚ daz gelegen ist zü Feillendörf in Sand Margrethen pharr, und do jezu Nicla auf siczt‚ und stözt zu ainer seiten an den Schilher^d doselbs‚ und do von man jerlïch dint sechzehen meczen chörn und sechzehen meczen haberen und dreizzikch wïnner phenning an sand Michelstag und den vorbenanten traid an sand Giligen tag und nicht mer. Daz obgenant lehen haben wïr verchauft umb an zwai dreizzikch phunt wienner phenning, der wir von dem erbern obgenanten hern Wolfgangen dem Feuchter und dem obgenanten goczhaus gar und ganz ausgericht und wezalt sein, zü rechter zi^et an all unser scheden, in der weschaiden daz sew furbaz mit dem vorbenanten^e gut und lehen und mit aller seiner zuho^erung wi^e daz allez bnant ist, allen iren frum schaffen sullen und wol mu^egen, wi^e in daz aller peste fu^egent ist, mit verseczen und verchauffen, machen und geben wem sew wellen an all unser und unser erben irrung und widerred. Wir sein auch des vorgenanten gücz^f und lehen mit aller seiner zühörung ir recht gewern und scherm fu^er all ansprach, als freiez aigens recht ist in dem land zü Österreich. Gi^eng in^g aber mit recht daran icht ab, oder^h ob sew mit recht icht chrig oder invell daran gewünnen von wem daz wer, dez sew zu schaden chemen, wi^e der schad wenant wer‚ den irⁱ ainer bei seinen trewen gesprechen mo^echt an aidgeswörn und an allez gericht geistlïch oder werltlich ungeverleich^j und an alle andre weberung, denselben schaden mit sambt dem haubtgüt sullen und wellen wir in abtragen ausrichten und widerchern an all ïr müe und scheden, und sullen sew daz haben dacz uns und unsern trewen unverschaidnlich und dar zu^e auf aller unsrer hab di wir haben gewinnen^k oder lazzen in dem land zu^e O^esterrich oder wo wi^er die haben, wie die bnant oder gelegen ist, es sein erb oder varende güter darinne nichcz auszo^egen, do mügen sew wol von wechömen schadens und irs haubtgu^ecz, wi^e in daz aller peste fügent ist, an chlag an verpot;^l daz ist unser güter will, wir sein lebentig oder tod. Und dez zu ainem waren offen ürchund der sach so gib ich obgenanter Fridrich von Poppendo^erf daruber den bri^ef fu^er mich und fu^er mein egenante hausfrawen und fu^er all unser erben versigelten mit meinem angehangen insigel; und ist dez chaufs gezeug unverschaidenlich die erbern mein prüder Hans von Poppendörf und mein vetter Alram der^m Imlinger² mit ir paider angehangen insigel und mit dez erbern Otten des Sirnikcher³ insigel im und seinen erben an schaden, die wi^er all drei vleizzillich dar umbe gebeten haben, das sew des handels gezeug sein mit iren insigelln. Geben des nachsten vreitags nach den phingsten, do^e man zalt von Christi gebürd dreuzehen hundert jar und darnach in dem sechs und neunzkisten jar.

Source Fulltext: LAMPEL, Urkunden Sanct Pölten (=FRA II, Wien 1901) S. 376-377