Bonifacius^a episcopus servus servorum dei venerabilibus fratribus Frisingensi^b et Olomuncensi episcopis ac dilecto filio n. preposito ecclesie sancti Petri Wissegradensis, Pragensis diocesis^c salutem et apostolicam benedictionem. Militanti ecclesie, licet immeriti disponente domino presidentes circa curam ecclesiarum et monasteriorum omnium solertia reddimur indefessa, ut iuxta debitum pastoralis officii^d eorum curamus dispendiis et profectibus, divina cooperante clementia salubriter intendamus. Sane dilectorum filiorum prepositi et conventus monasterii sancti Ypoliti ad Sanctum Ypolitum per prepositum soliti gubernari, ordinis sancti Augustini, Pataviensis diocesis conquestione precepimus, quod nonnulli archiepiscopi, episcopi alliique ecclesiarum prelati et clerici ac ecclesiastice persone, tam religiose quam seculares, necnon duces marchiones comites barones nobiles milites et laici communia civitatum universitates oppidorum castrorum villarum et alie singulares persone civitatum et diocesium ac aliarum partium diversarum occuparunt et occupari fecerunt castra villas et alia loca terras domos possessiones iura et iurisdictiones necnon fructus census redditus et proventus dicti monasterii et nonnulla alia bona mobilia^e et immobilia,^f spiritualia et temporalia ad prepositum et conventum ac monasterium predictum spectantia et ea detinent indebite occupata seu ea detinentibus prestant auxilium consilium et favorem. Nonnulli eciam civitatum diocesium et partium predictarum, qui nomen domini in vanum recipere non formidant, eisdem preposito et conventui super predictis castris villis et locis terris domibus et possessionibus iuribus et iurisdictionibus nec non fructibus censibus redditibus et proventibus eorundem et quibuscunque aliis bonis mobilibus et immobilibus spiritualibus et temporalibus ac aliis rebus ad prepositum et conventum ac monasterium predictos spectantibus multiplices molestias ac iniurias inferunt et iacturas. Quare predicti prepositus et conventus nobis humiliter suplicarunt, et cum eisdem reddatur valde difficile, pro singulis querelis ad apostolicam sedem habere recursum, providere ipsis super hec paterna diligentia curaremus. Nos igitur adversus occupatores detentores presumptores molestatores et iniuriatores hiusmodi, illo volentes dictis preposito et conventui remedio subvenire, per quod ipsorum compescatur temerita et aliis aditus commitendi similia precludatur, discretioni iure per apostolica scripta mandamus, quatenus vos vel duo aut unus vestrum, per vos vel alium seu alios, eciam si sint extra loca in quibus deputati estis, conservatores et iudices, prefatis preposito et conventui efficiacius^g defensionis presidio assistentes, non permittatis eosdem super hiis et quibuslibet aliis bonis et iuribus ad prepositum et conventum ac monasterium predictos spectantibus ob eisdem vel quibusvis aliis indebite molestari, vel eis gravamina seu damna vel iniurias irrogai facturi eisdem preposito^h et conventui cum ab eis vel procuratoribus suis aut eorum aliquo fueritis requisiti‚ de predictis et aliis personis quibuslibet super restitutione huiusmodi castrorum villarum terrarum et aliorum locorum iurisdictionum iurium et bonorum mobilium et immobiliumⁱ reddituum quoque ac proventuum. et aliorum quorumcunque bonorum, necnon de quibuslibet molestiis iniuriis atque damnis presentibus et futuris in illis videlicet que iudicialem requirunt indaginem‚ summarie^j et de pleno sine strepitu et figura iudicii^k et aliis vere prout qualitas eorum exegerit iusticie^l complementum.^m Occupatores seu detentores presumptores molestatores et iniuriatoresⁿ huiusmodi nec non contradictores quoslibet et rebelles cuiuscunque dignitatis status ordinis vel condicionis extiterint, quandocunque et quotiescunque expedierit, auctoritate nostra per censuram ecclesiasticam appellatione postposita compescendo, invocato de hoc si opus fuerit, brachii secularis auxilio, non obstantibus tam felicis recordationis Bonifacii pape VIII^o predecessoris nostri, in quibus cavetur, ne aliquis extra suam civitatem et diocesim, nisi in certis exceptis casibus et in illis ultra unam dictam a fine sue diocesis ad iudicium^p evocetur‚ seu ne iudices et conservatores a sede deputati predicta extra civitatem et diocesim in quibus deputati fuerint, contra quoscunque procedere, sine alii vel aliis vices suas convertere aut aliquos ultra unam dietam a fine diocesis eorundem trahere presumant, dummodo ultra duas dietas aliquis auctoritate presentium non trahatur, seu quod de aliis quam de manifestis iniuriis et violentiis ac aliis, que iudicialem requirunt indaginem, penis in eos‚ si secus egerint et inde procurantes adiectis conservatores se nullatenus intromittant quam aliis quibuscunque constitutionibus a predecessoribus nostris Romanis pontificibus tum de iudicibus delegatis et conservatoribus quam personis ultra certum numerum ad iudicium^q non vocandis aut aliis editis, que nostre possent in hac parte iurisdictioni aut potestati eiusque libere exercitio^r quomodolibet obviare, seu si aliquibus communiter vel divisim a prenominata^s sit sede indultum, quod excommunicari suspendi vel interdici seu extra vel ultra certa loca ad iudicium^t evocari non possint per litteras apostolicas non facientes plenam et expressam ac de verbo ad verbum de adulto huiusmodi et eorum personis locis ordinibus nominibus propriis mentionum et qualibet alia dicte sedis indulgentia generali vel speciali^u cuiuscunque tenoris existat, per quam presentibus non expressam vel totaliter non insertam nostre iurisdictionis explicatio, in hac parte voleant quomodolibet impediri et de qua cuiusque^v toto tenore de verbo ad verbum habenda sit in nostris litteris mentio specialis.^w Ceterum^x volumus et auctoritate nostra decernimus, quod quilibet vestrum prosequi valeat articulum eciam per alium inhoatum quamvis idem inhoans nullo fuerit impedimento canonico prepeditus quodque a datis presentium sic vobis cuilibet vestrum in premissis omnibus et eorum^y singulis, ceptis et non ceptis, presentibus et futuris perpetuata potestas et iurisdictio atribuata‚ ut eo vigore eaque firmitate possitis in premissis omnibus ceptis et non ceptis, presentibus et futuris, et pro predictis procedere,^z ac si predicta omnia et singula eorum vobis cepta fuissent et iurisdictio vestra et cuiuslibet vestrum in predictis omnibus et singulis per citationem vel modum alium perpetuata legitimum extitisset constitutione predicta super conservatoribus et qualibet alia in contrarium edita non obstante, presentibus post quinquennium minime valituris. Datum Rome‚ apud Sanctum Petrum, 4 idus novembris, pontificatus nostri anno nono.

Source Fulltext: LAMPEL, Urkunden Sanct Pölten (=FRA II, Wien 1901) S. 379-382