No. 142. 1426. 12. Febr.

Catherina von gots gnaden herczogynne zcu Sachsen vnd marcgraffynne zcu Miessen.

Liben getruwen. Wenn vns abir warnunge vud botschafft kommen ist, wye die ketczer sich groß stcrken vnd sammeln vnd Awsk bestallen wollen, als ir das in dissem ingeslossenn briffe werdet eintel verneinen, darvmbe begern wir von uch mit ganczem fliesse, das ir von stund euwer schuczen, die uch zcugesaczt sien, vßrichtet vnd bestellet, das die ye ane sume- nisse uff' dissen i'ritag gern Pyrne kommen vnd die uff das neheste c/ihen lasset vnd mit allen sachen dar noch schicket, wenn wir uch ander botschafft tliun werden, das ir mit ganczer macht gefolgen moget. Vnd vorhaldet das nicht, dar an tut ir vns wol zcudangke. Gegeben zcu Grynime am diustage noch Estomihi anno :c. vicesimo sexto.

Dem' rate zcu Lipczk vnsern üben getruwen.

Abschriftliche Beifügen:

Vnsern vndertenigen willigen dinst, Hochgeborne furstynne, genedige vrouwe. Wir bitten uwer fürstliche genade wissen, das sich dy Weyßen nu an deßem nesten fritage der haben haben vom Slan vnde czyhen vff Linie, vnde vns eygentliche botschafft kummen ist, daz sy vor vns vnd vns berynnen vnd belegen wullen e/.u der Awsig in drycn tagen, vnde dy von Luteubritz vnde Sacz vud ändern eren steten iczlicher stat dy helffte vff geboten ist, dy iczczunt alle czu czyhen vnde sammeln sich by Linie. Dez selben glich wir dem heutmanne von Miessiu ouch geschriben haben. Nu bitten wir uwer genade, daz ir von stuut bestellet mit uwern landen vnd luten, so sterkest ir kunnet, daz sy ane sumen keyn Pinie kummen vnde da vnser botschafft harren, wenne wir doch vnser eygentliche botschafft by sy bestalt haben. Wo wir nu derfarn, da sy sich hen kern, daz wulleu wir den uwern vort schriben keyn Pinie. Gegeben vnder Caspar Rechinberges iugesigel . . doniinica Esto mihi (10. Febr.?)

bytherich Pocg, Caspar Rechinberg iczunt czu Awsig.

Der hochgebornen furstynne vnd vrouwen, vrouwen Catherynan herczogynue czu Sachsin, lantgraffin in Doryngen vnde margrafnn czu Miessin vnser genedigen frouwen.

Vnseren vndertenigen dinst zcuuor. Hochgebornn furstynn :c. Wir bitten uwer gnade wyssen, das vns die ketczer vorrethere zcugeschigket hatten, vnde nach haben, dez wir von den gotis gnaden inne wurden synt vnde eynen begriffen habin, das sy sulden die stad an vier enden an geleget haben vff desen nesten mantag in der vastnacht (11. Febr.), darvff sy sich alle bereyt vnd gericht habin mit buchßen vnd spise vnd mit anderem geczuge, ab daz fuer vff' gehin wurde, das sye denn vonstaden mit storme zcu der stad czyheu weiden, wenn daz fuer vff ginge; daz der vorrether bekant hat, den wir nach in gefengkenisse habin. Vnd die Tabern sich alle her awß gekart haben vnd nicht verre von Brux legen. Ab yn das alles feiet, so meynen sie 70 zcu vns zcustormen drye tag vnd drie nacht, dar vmbe das sie meynen, das vns in der cziet nicht rettunge kommen mochte. Hir vmbe bitten wir uch je.

Hans von Sparremberg vnd Hans Korcz, arnptlute zcu Brux.

96